Сироҷиддин Муҳриддин, вазири корҳои хориҷии Тоҷикистон дар суҳбат бо Ҳелга Шмид, дабири кулли Созмони амният ва ҳамкорӣ дар Аврупо (САҲА) муноқишаҳои охири марзӣ миёни Тоҷикистону Қирғизистонро баррасӣ кардааст. Дар ин бора сомонаи ВКХ Тоҷикистон хабар медиҳад.
Ба иттилои манбаъ, онҳо дирӯз, 20 сентябр дар ҳошияи Ҳафтаи сатҳи баланди иҷлоси 77-уми Маҷмаи Умумии Созмони Милали Муттаҳид дар Ню-Йорк суҳбат кардаанд.
Илова бар гуфтугӯи муноқишаҳои марзӣ байни Тоҷикистону Қирғизистон, дар ин вохӯрӣ масъалаҳои таҳкими робитаҳои Тоҷикистону САҲА баррасӣ гардидааст.
Ҳамзамон, ин ниҳод аз тавсеаи ҳамкорӣ дар чаҳорчӯби “Раванди Душанбе” оид ба мубориза бо терроризм ва дигар мавзӯъҳои мавриди таваҷҷуҳи тарафайн хабар медиҳад.
Гуфта мешавад, ки дар рафти мулоқот ҷонибҳо вобаста ба вазъияти баамаломадаро дар Афғонистон низ мубодилаи афкор намуданд.
Бояд гуфт, зимни мулоқоти рӯзи гузашта, Сироҷиддин Муҳриддин бо Дабири кулли СММ Антониу Гутерриш оид ба рӯйдодҳои ахир дар марзи Тоҷикистону Қирғизистон ба таври муфассал иттилоъ дода, маводҳои марбута, аз ҷумла навор ва аксҳоеро, ки далели таҷовузи низомии Қирғизистонро собит мекунанд, манзур кард.
Ёдовар мешавем, вазири корҳои хориҷии Тоҷикистон бо сафари корӣ ва иштирок дар иҷлоси 77-уми Маҷмаи Умумии СММ бо Мубоҳисаҳои умумӣ ҳоло дар Ню-Йорк қарор дорад. Интизор меравад, ки Сироҷиддин Муҳриддин мавқеъ ва диди Тоҷикистонро оид ба мавзӯъҳои умдаи рӯзномаи ҷаҳонӣ ва минтақавиро аз минбари СММ ироа кунад.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста