Душанбе. 2-юми октябр. ОИ «Азия-Плюс» - Феълан президенти Тоҷикистон дар чойхонаи «Болои об»-и шаҳраки Ғарми ноҳияи Рашт бо собиқадорони ҷангу меҳнат ва зиёиёни ноҳия мулоқот мекунад, ки дар он ҳудуди 300 нафар иштирок доранд.

Тибқи барномаи сафар, пас аз мулоқот сарвари давлат дар варзишгоҳи марказии ноҳия бо аҳолии ноҳия вохӯрда, дар барномаи бошукӯҳи консертӣ низ ширкат хоҳад варзид. Шаби имрӯзаро Эмомалӣ Раҳмон дар ҳамин ноҳия рӯз карда, пагоҳ аз ноҳияҳои дигари водии Рашт - Нуробод, Тавилдара, Ҷиргатол ва Тоҷикобод боздид мекунад.

Ёдрас мекунем, ки боздиди сарвари давлат бо мақсади шиносоии наздик бо вазъи иқтисоливу иҷтимоии ноҳияҳо ва зиндагии мардуми ин минтақа сурат мегирад.