Душанбе. 7-уми январ. ОИ «Азия-Плюс» - Имрӯз Президенти Ҷ умҳурии То ҷ икистон Эмомал ӣ Раҳмон Сафири фавқулодда ва мухтори Фаронса дар То ҷ икистон Оливе Метленд Пеленро бинобар ан ҷ ом ёфтани мӯҳлати ваколати дипломатиаш ба ҳузур пазируфт.

Пас аз анҷоми мулоқот бо сарвари давлат сафир изҳор дошт, ки ба туфайли дастгирии президенти мамлакат ба ӯ муяссар шудааст, ки рисолати худро муваффақона анҷом дода, собит созад, ки Тоҷикистон дар минтақаи Омсиёи Марказӣ аз ҷиҳати стратегӣ, иқтисодӣ ва сиёсӣ мавқеъи хосеро дорост.

Ба гуфтаи сафири Фаронса, зимни мулоқоти яксоата бо сарвари давлат ба ҷуз масоили мавриди таваҷҷӯҳи тарафайн, вазъи Афғонистон низ мавриди баррасӣ қарор гирфтааст. «Ҳамаи рӯйдоди рухдода дар Афғонистон ба Тоҷикистон низ таъсир мерасонад ва рӯди Панҷ ин ҷо садду монеъа ё марз шуда наметавонад», - гуфт ӯ.

«Дар сӯҳбати имрӯза Эмомалӣ Раҳмон таъкид сохт, ки ҳалли мушкилоти Афғонистон танҳо бо роҳи баргузории амалиёти низомӣ ғайриимкон аст ва он тавассути ҳалли маҷмӯи мушкилоти мавҷуда, шурӯъ аз мушкилоти иҷтимоиву иқтисодӣ ва сиёсӣ имконпазир аст, ки ман онро пурра ҷонибдорӣ менамоям», - гуфт ӯ.

Ӯ ҳамчунин таъкид сохт, ки тибқи иттилои президент, дар фурсати наздик дар Париж сафорати Тоҷикистон ифтитоҳ мегардад. «Мо бесаброна интизори сафири нахустини халқи бузурги тоҷик дар Фаронса хоҳем буд», - афзуд Оливе Метленд Пелен.