Душанбе. 3-юми феврал. ОИ «Азия-Плюс» - Бо фармони вазири корҳои дохилии Тоҷикистон, аз вазифахои ишғолнамудаашон сардори Раёсати мубориза бар зидди ҷинояткории муташаккили Вазорати умури дохила Абдул Розиқов, сардори Раёсати кофтукови ҷиноӣ Исматулло Расулов, сардори ситоди Вазорат Маҳмадали Шафоатов озод карда шуданд.

Тавре ба ОИ «Азия-Плюс» аз маркази матбуоти Вазорати умури дохилаи ҷумҳурӣ хабар доданд, роҳбарии ин ситоду раёсатҳо муваққатан бар дӯши муовинони сардорони собиқи онҳо вогузор гардида, рӯзҳои наздик ба вазифаҳои холӣ шахсони нав таъин хоҳанд шуд.