Сохторҳои тандурустии пойтахт ба пӯрзур намудани маъракаи эмгузаронии пурраи сокинони шаҳр бар зидди бемории сироятии COVID-19 ва сохторҳои дахлдор ҷиҳати аз ташхис гузаронидан ва ба карантин фаро гирифтану чораҳои амалӣ андешидан нисбат ба шахсони аз хориҷа ба ҷумҳурӣ воридшаванда вазифадор гардиданд.
Бино ба иттилои дафтари матбуоти шаҳрдории Душанбе, зимни ҷаласаи кории назди раиси пойтахт Рустами Эмомалӣ бо иштироки муовинони раиси шаҳр, раисони ноҳияҳо, масъулини сохторҳои дахлдор ва мақомоти ҳифзи ҳуқуқ масоили пурзӯр намудани тадбирҳои саривақтӣ барои пешгирӣ аз ин беморӣ, махсусан эмгузаронии сокинони пойтахт, амалӣ намудани корҳои фаҳмондадиҳӣ байни сокинон, назорати қатъии риояи қоидаҳои беҳдоштӣ ва корҳои безараргардонӣ дар пойтахт мавриди баррасӣ қарор дода шуд.
Рустами Эмомалӣ доир ба андешидани тадбирҳо бобати омодагӣ ва таъмини муассисаҳои тиббӣ бо маводи доруворӣ ва таҷҳизоти зарурӣ, афзоиши ҳаҷми истеҳсоли воситаҳои санитариву гигиенӣ ва безараргардонӣ дастур дод.
Раиси пойтахт ҳамчунин дастур дод, ки ҷиҳати корҳои фаҳмондадиҳӣ ва эмкунии аҳолӣ ва меҳмонони шаҳр, бахусус дар муассисаҳои томактабӣ, тандурустӣ, боғҳои фарҳангу фароғатӣ, театр, кинотеатр, марказҳои савдо, бозорҳои истеъмолӣ гардиши хона ба хона ба роҳ монда шавад.
Инчунин супориш дода шуд, ки ба тарабхонаву ошхона, қаҳвахона ва дигар ҷойҳои ҷаъмиятӣ ҳангоми гузаронидани тӯйу маъракаҳо таваҷҷуҳи хосса зоҳир шуда, аз онҳо риояи қатъии меъёрҳои беҳдоштӣ, фосилаи иҷтимоӣ ва чораҳои безараргардонӣ талаб шавад.
Ҳамзамон таъкид гардид, ки риояи меъёрҳои беҳдоштӣ аз ҷониби роҳбарони тамоми нуқтаҳои хизматрасонӣ қатъиян назорат шавад.
Барои назорат аз болои иҷрои ин дастурҳо супориш дода шуд, ки дар назди Раёсати тандурустии пойтахт гурӯҳи корӣ таъсис дода шуда, аз натиҷаи иҷрои корҳо дар ин самт ҳамарӯза ба раиси шаҳр ахборот манзур шавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста