Роҳбари хоҷагии деҳқонии “Рахшона” Шуҳрат Муҳаммадзода (Мамадҷонов), ки садҳо гектар замин дорад раиси нави ноҳияи Ашт таъин шуд. Ӯ ба ҷойи Зариф Мирдадо раиси ноҳия шуд, ки ахирӣ муовини раиси вилояти Суғд дар умури кишварзӣ таъин гардид.
Шуҳрат Муҳаммадзода, ки ҳамакнун раиси нави ноҳияи Ашт таъин шуд, 44 сол дошта, дар деҳоти Ашт таваллуд шудааст.
Сокинони Ашт хабари раиси ноҳия таъин шудани ин тоҷири сарватмандро ба хубӣ истиқбол карда, мегӯянд, ки Муҳаммадзода метавонад аз сармояҳо ва таҷрибаҳояш дар ободонии ноҳия истифода кунад.
Манобеи “Азия-Плюс” аз ҳукумати ноҳияи Ашт мегӯянд, Муҳаммадзода риштаи маркетинги Донишкадаи иқтисод ва савдои Тоҷикистон дар шаҳри Хуҷандро хатм кардааст. Ҳамчунин раиси нави Ашт, соли 2020 Академияи идоракунии давлатии назди Президенти Тоҷикистонро бо ихтисоси “идоракуни давлатӣ” хатм кардааст.
Манбаъ мегӯяд, Шӯҳрат Мамадҷонов соли 2003 соҳибкори инфиродӣ буд ва соли 2009 роҳбари хоҷагии деҳқонии “Шӯҳрат” ва аз апрели 2009 то ҳоло директори ҶДММ ширкати сохтмонии “Рахшона”-ро бар дӯш дорад.
Аз раиси нави Ашт, яке аз соҳибкорони маъруф ва хеле сармоядори ин ноҳия ном мебарад, ки садҳои гектар замини кишоварзии пахта, ду корхонаи коркарди пахта, корхонаи хиштбарорӣ ва хоҷагии калони моҳипарварӣ дорад.
Нуфузи Шуҳрат Муҳаммадзодаро бештар дар расонаҳо дар пайванд ба фаъолияти хоҷагии деҳқонии “Рахшона” муаррифӣ мекунанд, ки ҳамасола садҳо ҳазор тонна пахта ба “хирмани тиллои сафед”-и Тоҷикистон месупорад.
Муҳаммадзода, ба ҷузъ дар ихтиёр доштани садҳо ҳазор гектар замини кишоварзӣ, ҳамчунин соли 2021 “Маҷмаи 30 солагии Истиқлолият”-ро дар шаҳраки Шайдон (маркази ноҳияи Ашт) бунёд кард, ки дорои маркази фарҳангӣ-фароғатӣ, тарабхона, бозори калон ва сехҳои дигари истеҳсолӣ мебошад. Автовокзали марказии ноҳияи Аштро низ ба ӯ марбут медонанд.
Манобеъи “Азия-Плюс” аз Муҳаммадзода як роҳбари сарватманд ном бурда гуфтанд, хайрхоҳу дасткушод аст. Ба ниёзмандону камбизоатҳо, бунёдкорӣ ва бартараф кардани оқибатҳои офатҳои табиӣ ба мардум кӯмаки моливу моддӣ мерасонидааст.
Сокинони Ашт мегӯянд, ки Муҳаммадзода корҳои бузурге дар заминаи хайру эҳсонкорӣ мекунад.
Муҳаммадзода бо вуҷуди як тоҷир ва соҳибкори маъруф будан, аммо чеҳраи барои расонаҳо дастнорас буд ва зиёд дар расонаҳо ҳузур пайдо намекард.
Мамадҷонов, ҳамчунин вакили Маҷлиси вакилони халқи вилояти Суғд мебошад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Кулли ахбор
Авторизуйтесь, пожалуйста