Прокуратураи генералии ҶТ ҷиҳати ба ихтиёри мақомоти ҳифзи ҳуқуқи Тоҷикистон супурдани собиқ нахуствазири ҷумҳурӣ Абдумалик Абдуллоҷонов ба ҳамтоҳои украинии худ дархост ирсол намуд.
Дар Тоҷикистон А.Абдуллоҷонов дар содир намудани як қатор ҷиноятҳо гумонбар дониста мешавад. Дар ин бора имрӯз ба ОИ «Азия-Плюс» муовини аввали Прокурори генералии ҶТ Абдуқодир Муҳаммадиев хабар дода, аз ифшои моддаҳои айбномаи ба боздоштшуда пешниҳодгардида худдорӣ намуд.
Ба қавли вай, мувофиқи асноди меъёрии амалкунанда, дар сурати ҳалли мусбати масъала, истирдод бояд дар давоми 45 рӯз анҷом бипазирад. «Айни замон дар Киев ҳуҷҷатҳоро мавриди омӯзиш қарор додаанд ва мо дар чаҳорчӯби Конвенсияи соли 1993-и Минск амал мекунем», - иброз дошт номбурда.
Рӯзи 7-уми феврали соли равон суди ноҳиявии Бориспол (вилояти Киев) пешниҳоди прокуратураро қонеъ намуда, дар бораи ҳабси муваққатии собиқ нахуствазири Тоҷикистон Абдумалик Абдуллоҷонов қарор қабул кард. Дар ҳаин ҳол, Андрей Федур, ҳимотгари Абдуллоҷонов изҳори умедворӣ намудааст, ки зерҳимояи ӯ ба мақомоти Тоҷикистон супурда намешавад. «Зерҳимояи маро ба кишваре, ки дархост мекунанд, истирдод кардан лозим нест, зеро дар онҷо ба ҷони ӯ хатари воқеӣ таҳдид мекунад. Зерҳимояи ман мақоми гурезаро соҳиб аст ва бояд ҳамчун гуреза мавриди ҳифз қарор гирад. Ӯ мутобиқи конвенсияи байнулмилалии дахлдор ҳифз мешавад», - гуфта буд ҳимоятгар.
Аввали моҳи феврали соли равон дар фурудгоҳи Борисполи шаҳри Киев собиқ нахуствазири Тоҷикистон Абдумалик Абдуллоҷонов боздошт шуд. Ӯ аз ИМА ба Украина сафар доштааст. Дар Тоҷикистон Абдуллоҷонворо ба содир намудани як қатор ҷиноятҳо, аз ҷумла сӯиқасд ба ҷони президенти Эмомалӣ Раҳмон дар соли 1996 ва даст доштан дар ошӯби мусаллаҳона таҳти роҳбарии полковник Маҳмуд Худойбердиев дар соли 1998 дар вилояти Суғд гумонбар медонанд.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста