Сафорати Ҷумҳурии Тоҷикистон дар Федератсияи Россия  субҳи имрӯз аз хабари расонаҳо огоҳ гардид, ки бо шаҳрванди кишварамон Бахтиёр Сатторӣ, соли таваллудаш  17 октябри соли 1963, зодаи шаҳри Хуҷанд, чунин ҳодисаи фоҷеабор ба вуқӯъ пайвастааст.

Дар изҳороти пахшшудаи сафорат гуфта мешавад, дар натиҷаи мулоқот бо намояндагони мақомоти ҳифзи ҳуқуқ маълум гардид, ки ҳодиса дирӯз поси шаб дар яке аз кӯчаҳои шаҳри Москва рух додаст. Ҳоло дар ин хусус парвандаи ҷиноӣ боз гардида, муфаттишони Шӯъбаи корҳои дохилии ноҳияи Нагатино-Садовникии пойтахт ба баррасии ин қазия машғуланд. Дар бораи ҷузъиёти бештари ин қазия танҳо баъди ба анҷом расидани тафтишот метавон ҳарф зад.

Ҳамчунин маълум гардид, ки ҳоло шаҳрванд Б. Сатторӣ баъди гузарондани ҷарроҳӣ дар Бемористони клиникии №7-и шаҳри Москва бистарист.

Сафорати Тоҷикистон дар Федератсияи Россия аз рух додани ин ҳодиса дар нисбати шаҳрванди Ҷумҳурии Тоҷикистон изҳори таассуф ва нигаронӣ мекунад. Мо аз мақомоти марбутаи кишвари иқомат тафтиши ҳарчи зудтари ин қазия ва дарёфти ҷинояткоро талаб дорем. Бояд, ки ҷинояткор дастгир ва тибқи қонунҳои мавҷуда муҷозот шавад.

Сафорат бо ҳамин ният бо мақомоти ҳифзи ҳуқуқи кишвари иқомат пайваста дар тамос аст ва таҳқиқи ин қазияро мавриди назар қарор додааст.

Дар хабари баъдан расида аз сафорат зикр мегардад, ки дар натиҷаи мулоқот бо намояндагони мақомоти ҳифзи ҳуқуқ маълум гардидааст, ки ҳодиса дирӯз поси шаб дар хиёбони Варшавское шоссе, 156 -и шаҳри Москва рух додаст. Ҳоло муфаттишони Шуъбаи корҳои дохилии " Чертаново- Южное"-и пойтахт ба беморхона рафтаанд, то бо ҷабрдида мулоқот намоянд.

Ахиран духтури навбатдор хабар додааст, ки шаҳрванд Б. Сатторӣ ба палати шуъбаи ҷарроҳӣ гузаронида шуда, вазъи саломатияш қаноатбахш аст.