Мутобиқи Нақшаи гузаронидани курсҳои махсуси тайёрии ҳарбӣ-хизматӣ бо кормандони ҷавон ва нав ба кор қабул шудаи Агентии назорати маводи нашъаовари назди Президенти ҶТ, дар Маркази таълимии Агентӣ рӯзи 18 сентябр курсҳои якмоҳа оғоз гардиданд, ки то 18 октябр идома меёбанд.

Бино ба иттилои шуъбаи робита бо ҷомеаи Агентӣ, дар рафти омӯзиш устодони таҷрибадор ба кормандони ҷавон дар бораи фаъолияти Ситод, пешгирии нашъамандӣ, тартиби гузаштани хизмат дар Агентӣ, корҳои тафтишотӣ, фаъолияти оперативиӣ-ҷустуҷӯӣ, Кодекси шарафи хизматчии давлатӣ ва оинномаҳои Қувваҳои мусаллаҳи ҶТ иттилоот медиҳанд. Инчунин машғулиятҳои интерактивӣ бо техникаи компютерӣ ва машғулиятҳои амалии сафороӣ гузаронида мешаванд.

Гуфта мешавад, баъди ба итмом расидани курсҳои омӯзишӣ ба шунавандагон сертификатҳои мутобиқ супорида мешаванд.