Талафоти ҳамасолаи Тоҷикистон бар асари ҳодисаҳои обхезӣ ва заминларзаҳо 400 млн долларро ташкил медиҳад, гуфта мешавад дар блоги директори минтақавии Бонки ҷаҳонӣ (БҶ) оид ба Осиёи Марказӣ Лилия Бурунчук.
Ӯ қайд мекунад, ки теъдоди ҷабрдидагон аз ин офатҳои табиӣ дар ҷумҳурӣ ҳар сол то ба 500 ҳазор нафар мерасад.
Ба сурати умум, таъкид месозад намояндаи Бонки ҷаҳонӣ, кишварҳои минтақаи Осиёи Марказӣ аз ҳодисаҳои фавқулодаи табиӣ ҳамасола 10 млрд доллар зарар мебинанд.
Бурунчук навиштааст, ки корти заминларзаҳои ҳармоҳа дар минтақа, ки “пур аз нуқтаҳои сурх аст”, касро ба ҳайрат меорад.
“Ба ҷуз заминларза, ҳамасола ба ин минтақа ҳодисаҳои фаромадани ярчу сел ва тарма, обхезӣ ва беҳад болоравии ҳарорат низ таҳдид мекунанд”, - гуфтааст Лилия Бурунчук.
Дар мавод таъкид мешавад, ки бар асари офатҳои табиӣ ҳамасола дар минтақа то 3 млн кас зиён мебинанд, ки нисфи онҳо дар Ӯзбекистон умр ба сар мебаранд.
Қайд мешавад, ки кишварҳои минтақа баҳри ҳалли ин мушкилот як қатор тадбирҳо меандешанд, лекин дар сатҳи тамоми минтақа талошҳои бештар лозим аст.
“Ин натанҳо маълумоти оморист, балки онҳо одамоне ҳастанд, ки ҳалок мешаванд, наздикони худро аз даст медиҳанд, ҷароҳатҳои вазнин бардошта зарарҳои зиёд мебинанд”, - менависад ӯ.
Ӯ корҳо оид ба омодагӣ ба офатҳои таибиӣ ва вокуниши фавриро, ки бо дастгирии Бонки ҷаҳонӣ дар минтақа гузаронида мешаванд, зикр намуда, лекин онро кофӣ намешуморад.
“Пандемияи COVID-19 натанҳо зарурати ҳамкории бештар зичу пурсамари кишварҳои минтақаро рӯйи кор овард, балки имконоти онро зиёдтар кард. Корҳои ошкор ва таҳқиқи пайдоиши хавфҳои гуногун сармоягузориҳои минбаъдаро тақозо мекунанд. Идомаи ҷустуҷӯи роҳу воситаҳои коҳиш ё ба ҳадди пасттарин расонидани ин хавфҳо, аз ҷумла хатари пандемия, ки имкони такроршавии он дар оянда хеле баланд мебошад, зарур аст”, - гуфтааст Бурунчук.
Дар фарҷом ӯ илова кардааст, ки масъалаи идоракуниии офатҳои табиӣ бояд аз ҷумлаи афзалиятҳо боқӣ монад, то ки амният ва рушди минтақа, ки аз фарҳанги гуногун ва зебоиҳои табиат ғаниву ҷолиб аст, таъмин шавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста