“Рафти иҷрои қарордодҳо дар бораи ҳамкориҳо дар соҳаи низомӣ ва низомӣ техникӣ, аз ҷумла мусоидати Русия ба таъмини Қувваҳои мусаллаҳи Тоҷикистон бо силоҳу муҳимоти навро баррасӣ кардем. Тавофуқ ҳосил намудем, ки минбаъд низ нақшаҳои пешбинишударо бо риояи муҳлатҳои муқарраршуда иҷро мекунем”, - гуфт вазири корҳои хориҷии Русия Сергей Лавров зимни нишасти матбуотӣ дар Душанбе пас аз дидору гуфтушунид бо ҳамтои тоҷики худ Сироҷиддин Муҳриддин.
Ба гуфтаи ӯ, бо назардошти вуҷуд доштани хатар ба амнияти умумӣ, ин масъала хеле муҳим аст.
“Пеш аз ҳама, дар ҳошияи вазъ дар Афғонистон дар робита ба оғози аз ин кишвар берун бурдани неруҳои ИМА ва НАТО, ки эълон шудааст. Мо аз фаъолмандии ҷангиёни созмонҳои байнулмилалии террористӣ дар вилоятҳои шимоли Афғонистон нигаронем. Ба ин омодаем ва онро дар амал иҷро мекунем, дар кори мубориза бо терроризм ва ифротгароӣ, инчунин гардиши ғайриқонунии маводи нашъаовар ба Душанбе ҳамаҷониба кумак мекунем”, - иброз дошт Лавров.
Ӯ зикр кард, ки пойгоҳи низомии Русия дар Тоҷикистон омили субот дар минтақаи Осиёи Марказӣ буда, инчунин хабар дод, ки Русия ба сохтмони дидбоноҳи сарҳадӣ дар яке аз қитъаҳои марзи Тоҷикистону Афғонистон мусоидат хоҳад кард.
“Дар омили назарраси суботи минтақа будани пойгоҳи низомии 201-уми Русия дар Тоҷикистон мо ҳамфикрем. Бо иштироки Қувваҳои мусаллаҳи Русия мунтазам оид ба амалҳои зиддитеррористӣ машқу тамринҳо гузаронида мешаванд. Ояндаи наздик созишномаи байниҳукуматӣ имзо карданием, ки мутобиқи он мо ба сохтмони дидбонгоҳи сарҳадӣ дар яке аз қитъаҳои марзи Тоҷикистону Афғонистон аз лиҳози молиявӣ кумак мекунем”, - изҳор дошт Лавров.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста