Созмони Аҳдномаи амнияти дастаҷамъӣ (СААД) низомиёни худро ба Афғонистон намефиристад, изҳор дошт дабири кулли Созмон Станислав Зас. Нигарониҳоро дар ин маврид ӯ беасос медонад, менависад “Коммерсантъ”.
"Оё Афғонистон боз як доме шаваду моро лозим хоҳад омад, ки фарзандони худро дубора он ҷо бифиристем? Албатта, не. Нигарониҳо комилан беасосанд”, - гуфтааст Зас дар яке аз барномаҳои шабакаи СТВ -и Беларус.
Ӯ зикр кардааст, ки СААД - “ба таври истисно созмони мудофиаи ҳарбиву сиёсӣ мебошад. Неруҳои дифоии дастаҷамъиро он метавонад танҳо “дар доираи минтақаи масъулияти СААД, яъне дар ҳудуди сарҳади кишварҳо истифода барад”.
Ба ҳайати СААД Русия, Арманистон, Беларус, Қазоқистон, Қирғизистон ва Тоҷикистон шомиланд.
Зас иброз доштааст, ки ин созмон маҷмӯи тадбирҳоро барои то ҳадди ақалл кам кардани таҳдидҳои марбут ба қочоқи маводи мухаддир, терроризм ва муҳоҷирати ғайриқонунӣ таҳия кардааст.
"Ҳоло вазъ дар он ҷо тағир ёфта, мо бояд онро бодиққат омӯзем ва дар фаъолиятамон ба инобат гирем, аз ҷумла дар мавриди муқовимат бо ин таҳдидҳо, ки аз байн нарафтаанд ва қисман ҳатто баръакс - рӯйи кор омаданд”, - илова намудааст дабири кулли Созмон.
Ҳаракати “Толибон” 15 август Кобулро тасарруф намуда, эъон кард, ки Афғонистонро зери назорат гирифт. 23 август СААД ҷаласа баргузор намуда, дар он кишварҳои узв ба тавофуқ расиданд, ки тадбирҳои иовагии амниятӣ меандешанд. Созмон иҳори нигаронӣ намуд, ки “Толибон” бар хилофи ваъдаҳо ба таъсиси ҳукумати эътилофӣ шурӯъ накарданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста