Пас аз як рӯзи тирпаронӣ ва музокирони чандсоата дар марз фармондеҳони неруҳои марзбонии Тоҷикистону Қирғизистон бегоҳии 13-уми апрел зери се протокол имзо гузоштанд.
Ин музокирот аз субҳ то бегоҳии имрӯз, 13-уми апрел дар минтақаи Борбордуки ноҳияи Лайлаки Қирғизистон? ҳаммарз бо ҷамоати Хистеварзи ноҳияи Бобоҷон Ғафуров идома кард.
Аммо ҷузъиёти ин протоколҳо шарҳ дода намешавад.
Зафарбек Давлатзода, раиси ноҳияи Бобоҷон Ғафуров баъди ҷамъбасти чандсоатаи музокирот бегоҳии имрӯз ба “Азия-Плюс” гуфт, ки дар ниҳояти музокирот миёни фармондеҳони неруҳои марзбонии Тоҷикистону Қирғизистон Раҷабалӣ Раҳмоналӣ ва Уларбек Шаршеев се протокол ба имзо расид.
Давлатзода мазмуни умумии тавофуқоти ҳосилшударо чунин шарҳ дод:
“Қувваҳои иловагӣ ба маҳалли доимии худ баргардонида шаванд. Ҷонибҳо ҳаёти осоиштаи сокинони наздимарзиро таъмин кунанд ва сабабу омилҳои муноқишаи ахир пурра омӯхта шавад. Роҳбарони идораҳои хоҷагии об ва замини вилоятҳо ба мувофиқа расиданд, ки корҳои фаҳмондадиҳиро миёни аҳолӣ тақвият бахшида, бо назардошти манфиати тарафҳо аз захираҳои обии минтақа якҷо ва самаранок истифода намоянд, аз бандҳои протокол буд”.
Субҳи имрӯз Раҷаббой Аҳмадзода, раиси вилояти Суғд ва Абдикарим Алимбаев раиси вилояти Бодканд низ якҷоя бо фармондеҳону роҳбарони сохторҳои қудратӣ сари мизи музокирот нишаста, хостори пас кашидани неруҳо аз хатти марз шуда буданд.
Дар тирпаронии ёдшуда, ки шоми 12-уми апрел, соати 18.30 рух дод, бар асрари тирпаонӣ як марзбони 27-солаи тоҷик Зоир Саидумаров аз тири марзбонони қирғиз кушта шуд ва имрӯз, 13-уми апрел дар зодгоҳаш ноҳияи Дӯстии вилояти Хатлон ба хок супурда шуд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста