Русия намехоҳад, ки ҳудуди 100 ҳавопаймо ва чархбол, ки соли гузашта низомиёни афғон бо онҳо ба Ӯзбекистону Тоҷикистон фирор карда буданд, ба Украина интиқол дода шаванд. Дар ин бора зимни мусоҳиба ба РИА Новости намояндаи махсуси президенти Русия оид ба Афғонистон, мудири департаменти дуюми Осиёи ВКХ Русия Замир Кобулов изҳори назар кардааст.
“Ба Украина нарасидани чархболу ҳавопаймоҳое, ки дар қаламрави Ӯзбекистону Тоҷикистон пас аз бо онҳо фирор кардани низомиёни афғон дар ин кишварҳо қарор гирифтанд, барои мо муҳим аст”, - иброз доштааст вай.
Ба гуфтаи Кобулов, даҳҳо чархболу ҳавопаймо, аз ҷумла ҳудуди 60 адад ба Тоҷикистон ва 40-50 адади онҳо ба Ӯзбекистон оварда шудаанд.
Ёдрас мекунем, ки аввали ҳамин моҳ Вазорати дифои “Толибон” бори дигар аз Тоҷикистон ва Ӯзбекистон дархост намуд, ки, чархболҳои ҳукумати қаблии Афғонистон, ки дар замони суқути ҷумҳурӣ ба ин кишварҳо бурда шудаанд, ба ҳукумати муваққати “Толибон” баргардонида шаванд.
Нимаи моҳи августи соли гузашта замони сари ҳокимият омадани “Толибон” халабонҳои афғон қариб бо 50 ҷархболу ҳавопаймо ба Ӯзбекистон ва бо қисмати дигаре аз он ба Тоҷикистон фирор карданд.
Ба иттилои намояндаи Вазорати дифои ИМА, майори артиш Роб Лодевик, то 21 августи соли гузашта дар Ӯзбекистон 46 адад ва дар Тоҷикистон - 18 адад техникаи авиатсионӣ, аз ҷумла чархболҳои Ми-17, UH-60 ва ҳавопаймоҳои PC-12, C-208, AC-208 ва A-29 қарор доштанд.
Охири моҳи апрели соли ҷорӣ намояндаи махсуси президенти Ӯзбекистон оид ба Афғонистон Исматулло Эргашев изҳор дошт, ки ин кишвар чархболу ҳавопаймоҳои низомии дар қаламраваш қарордоштаро ба мақомомти ИМА бармегардонад.
Дар ҳамин ҳол, моҳи июн фармондеҳи Фармондеҳии Марказии Қувваҳои Мусаллаҳи ИМА генерал Майкл Эрик Курилла дар пайи як сафараш ба Тоҷикистон гуфта буд, ки “бо вуҷуди таҳдиду талабҳои чандинкаратаи Толибон оид ба баргардонидани онҳо, чархболҳо ба Толибон баргардонида намешаванд, зеро ба онҳо тааллуқ надоранд”.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста