Хуҷанд. 17-уми июн. «Азия-Плюс» — | Дар вилояти Суғд амалиёти «Мадраса» ба итмом расид, ки аз 1-уми май инҷониб дар тамоми шаҳру навоҳии вилоят оғоз гардида буд.
Тавре ба хабарнигори ОИ «Азия-Плюс» аз Раёсати корҳои дохилии вилоят хабар доданд, дар амалиёти мазкур тамоми сохторҳои мақомоти ҳифзи ҳуқуқ ширкат варзида, аслан дар нохияҳои Исфара, Бобоҷон Ғафуров, Спитамен ва шаҳри Қайроққум 11 ҳодисаи ба таълимоти ғайриқонунии динӣ машғул будани шаҳрвандон ошкор шудааст. «Аз рӯйи ин далелҳо мутобиқи моддаи 474-и Кодекси ҳуқуқвайронкунии маъмурии ҶТ (риоя накардани қонун «Дар бораи озодии виҷдон ва иттиҳодияҳои динӣ») парвандаҳои маъмурӣ оғоз ва ҷиҳати моҳиятан баррасӣ намудан ба додгоҳ ирсол шуданд», - гуфтанд дар раёсат.
Ба иттилои манбаъ, амалиёти мазкур бо мақсади ошкор сохтани марказҳои таълимоти ғайриқонунии динӣ, санҷиши ҷараёни иҷрои қонунгузорӣ дар бораи иттиҳодияҳои динӣ, пешгирии ҷалби ноболиғон ва ҷавонон ба равияҳои ифротгароӣ, ошкор ва мусодираи дискҳои сабти аудиоӣ ва адабиёти дорои хусусияти ифротгароӣ доир гардида, дар рафти он фаъолияти 8 мадраса, 93 масҷидҳои намози ҷумъа ва 95 масҷидҳои намози панҷвақта мутобиқи талаботи Қонуни ҶТ «Дар бораи озодии виҷдон ва иттиҳодияҳои динӣ» санҷида шуданд.
Як намояндаи Раёсати корҳои дохилии вилоят ба гунаи мисол далел овард, ки дар рафти амалиёт ошкор гардидааст, ки сокини 41-солаи ҷамоати Чоркӯҳи ноҳияи Исфара Камол Почоев ба таълимоти ғайриқонунии динии 11 нафар нобилиғон машғул буда, ҳамчунин аз ӯ адабиёти динӣ мусодира шудааст. Парвандаи маъмурӣ нисбати Почоев ба баррасии додгоҳ фиристода шудааст.
Далели дигар дар ҷамоати Ворухи шаҳри Исфара ошкор шудааст. Дар ин ҷо сокини 40-солаи ҷамоат Муҳайё Ҷӯраева бидуни иҷозатномаи дахлдор ба таълимоти динии се нафар занони калонсоли ҳамин ҷамоат машғул будааст. Машғулиятҳои худро бо занон ӯ моҳи феврали соли ҷорӣ оғоз намуда, дар як ҳафта як машғулият баргузор мекардааст. Нисбат ба Ҷураева низ парвандаи маъмурӣ оғоз гардида, ба додгоҳ ирсол шудааст.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста