Барои сохтмони пули байни шаҳраки Ёвон 30 миллион сомонӣ маблағ зарур аст.
Амирбек Маҳмадалиев, раиси ноҳияи Ёвон зимни нишасти хабарӣ дар ин робита изҳор намуд, ки баъди шуста шудани пули байни ноҳия, онҳо ба Вазорати нақлиёт ва ҳукумати ҷумҳурӣ муроҷиат кардаанд.
«Баъди ҳисобу китоб сметаи хароҷотии ин сохтмон ба 30 миллион сомонӣ расид. Ин гуна маблағ дар буҷаи маҳаллӣ мавҷуд нест. Ҳукумат ва Вазорати нақлиёт ваъда кардаанд, ки дар ду соли оянда ба сохтмон маблағгузорӣ мекунанд. Аммо мо наметавонем интизор шавем. Мо бо соҳибкорони ноҳия гуфтугузор дорем шояд ба ягон натиҷае мерасем», - иброз дошт ӯ.
Ба гуфтаи ӯ, мушкил дар он аст, ки сохтор ва таҷҳизоти сохтмонии ин пул дар вақташ аз Русия оварда шудаасту дар Тоҷикистон чунин масолеҳро пайдо намудан ғайриимкон аст.
«Мо то омадани сели охир таъмири пулро оғоз карда будем, ки бо кумаки соҳибкорону хайрхоҳони ноҳия наздики 700 ҳазор сомонӣ корҳои сохтмон ба анҷом расонида шуданд. Мутаассифона, корҳо пурра ба анҷом нарасида, боз сел омаду ҳамаи корҳои ба анҷомрасидаро низ шуста бурд», - қайд кард раиси ноҳия.
Бояд гуфт, ки ду сол қабл бар асари боронҳои сел пули байни шаҳраки Ёвон шуста ва тахриб гардида буд.
Навраси 13-сола дар дарёи Хонақоҳи Ҳисор ғарқ шуд
Фолбиниву ҷодугарӣ акнун ҷиноят аст. Ҷазо барои ин амалҳо пурзӯр шуд
Обуҳавошиносон: Имрӯз Тоҷикистонро чангу ғубор фаро мегирад
Мошинҳои калонҳаҷми боркаши Тоҷикистон мунтазири тартиби нави боркашонӣ тариқи Ӯзбекистон
Кӣ ва чӣ тавр ба тоҷикон дар Русия кӯмак мекунад?
Дар Тоҷикистон барои монеи таҳсили хонандагон шудан ҷавобгарии ҷиноятӣ пешбинӣ гардид
Кишти баҳорӣ дар Тоҷикистон дар арафаи анҷомёбист, вале камобӣ эҳсос мешавад
Дар семоҳаи аввали соли 2024 чӣ қадар тоҷикистониён ба Русия рафтаанд?
Тоҷикистон то охири ҳамин моҳ ба ҳалқаи ягонаи энергетикии Осиёи Марказӣ бармегардад
Афғонистон аз ҳуқуқи овоздиҳӣ дар СММ барои пардохт накардани аъзоҳаққӣ маҳрум шуд
Кулли ахбор
Авторизуйтесь, пожалуйста