Раёсати БДА ВКД Ҷумҳурии Тоҷикистон ба маълумоти ронандагони воситаҳои нақлиёт мерасонад, ки баҳри таъмини бехатарии ҳаракат дар роҳ, имрӯз -  13 сентябри соли равон аз соати 08:30-дақиқа то 10:00 ҳаракати ҳама гуна воситаҳои нақлиёт аз чорроҳаи Рӯдакӣ-Карамов то Рӯдакӣ-Бухоро муваққатан мaҳдуд карда мешавад.

Бино ба иттилои маркази матбуоти ВКД ҶТ, аз соати 15:30-дақиқа то 16:30-дақиқа аз кӯчаҳои Шоҳтемур, Шероз, хиёбони Исмоили Сомонӣ, Ҳофизи Шерозӣ аз хиёбони Саъдии Шерозӣ то Ҳофизи Шерозӣ-Рӯдакӣ ҳаракати воситаҳои нақлиёт мaҳдуд карда мешавад.

Инчунин аз соати 16:30-дақиқа то 17:30-дақиқа ҳаракати ҳама гуна воситаҳои нақлиёт аз хиёбони Саъдии Шерозӣ, кӯчаи Неъмат Қарабоев то маҳаллаи Кирови (Оби Шифо)-и ноҳияи Рӯдакӣ мaҳдуд карда мешавад.

Аз соати 19:00 то 21:00 ҳаракати ҳама гуна воситаҳои нақлиёт аз хиёбони Исмоили Сомонӣ аз Рӯдакӣ то Сино ҳаракати ҳама гуна воситаҳои нақлиёт пурра манъ карда мешавад.

Рӯзи 14-уми сентябр аз соати 10:30-дақиқа то 11:40-дақиқа ҳаракати ҳама гуна воситаҳои нақлиёт аз кӯчаҳои Рӯдакӣ-Карамов то фурудгоҳ, кӯчаи Мастонгулов муваққатан мaҳдуд карда мешавад.

Аз ронандагони воситаҳои нақлиёт хоҳиш карда мешавад, ки дар сурати зарурияти ҷиддӣ надоштан, ҳаддалимкон аз истифодаи нақлиёт дар рӯзҳои номбурда худдорӣ намоянд.