Пойгоҳи таҳқиқотии “Диссернет” боз як олими дигари тоҷик Маҳбуба Шоазизова, муовини директори Институти иқтисоди кишоварзии Академияи илмҳои кишоварзии Тоҷикистонро ба асардуздӣ муттаҳам кард.
Ба навиштаи торнамои ин пойгоҳ, Маҳбуба Шоазизова Дӯстмуродовна рисолаи номзадияш “Шаклгирӣ ва рушди бозори картошка дар Тоҷикистон” (Формирование и развитие рынка картофеля в Республике Таджикистан)-ро аз кори имлии Лидия Павловна як олими рус рӯбардор кардааст. Номи рисолаи илмии Павлова ““Рушди бозори картошка дар Федератсияи Русия) (Развитие рынка картофеля в Российской Федерации) будааст, ки ба номи рисолаи илмии Шоазизова бо фарқи номи давлат, монанд аст
Шоазизова рисолаи номзадияшро соли 2009 таҳти раҳбарии Пириев Ҷалил Сафарович дар шӯрои ҳимояи Институти иқтисоди кишоварзӣ ҳимоя кардааст. Дар шарҳи кори ин олими тоҷик пойгоҳи “Диссернет” навиштааст, ки дар кори илмии Шоазизова ҳарчанд рӯйбардори густарда ҳанӯз ошкор нашудааст, вале қисматҳое, ки рӯйбардор кардааст, кам нестанд.
То кунун бону Маҳбуба Шоазизова ба ин кори “Диссернет” вокуниш накардааст.
Дар як моҳи ахир бону Шоазизова севумин олими тоҷик аст, ки шомили рӯйхати онҳое мешавад, ки ин пойгоҳ ба асардуздӣ муттаҳам мекунад. Аз ин пештар Изатов Қаҳрамон Илҳомович ва Табаров Сунатулло Рустамович дар рӯйхати асардуздони “Диссернет” қарор гирифта буданд.
Дар гузашта ин пойгоҳ дар корҳои илмии наздик ба 50 олими тоҷик мавридҳои асардуздиро ошкор карда буд, ки дар миёни онҳо афроди шинохтае чун Асадулло Раҳмонов, мушовири президенти Тоҷикистон, Давлаталӣ Сайид, муовини якуми Сарвазир, Давлатшо Гулмаҳмадзода, раиси Кумитаи ҳифзи муҳити зист ва Шералишо Кабиров раиси ширкати “Талко” буданд. Мақомоти марбутаи Тоҷикистон кори ин пойгоҳро ғаразнок ва бепоя хонда буданд.
Маҳбуба Шоазизова аз аъзои аршади Ҳизби агарарии Тоҷикистон аст, ки соли 2015 аз сӯйи ин ҳизб дар интихоботи порлумонии Тоҷикистон аз ҳавзаи Сино номзад шуда буд, ки натавонист пирӯз шавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Кулли ахбор
Авторизуйтесь, пожалуйста