Миқдори аввали ваксина аз коронавируси иборат аз 1,1 ҳазор воя (доза) ба пойгоҳи низомии 201-уми Русия дар Тоҷикистон расонида шуд, хабар медиҳад дафтари матбуоти Ҳавзаи марказии Русия рӯзи сешанбе.
“Дар навбати аввал кормандони тиббии госпитали 451-уми ҳарбӣ, низомиёне, ки дар навбатдории ҳолати омодабош қарор доранд, ҳайати фармондеҳӣ ва неруҳои навбатдори пойгоҳ ваксиназанӣ мешаванд”, - қайд мешавад дар маълумот.
Гуфта мешавад, хизматчиёни ҳарбӣ ихтиёрӣ ваксина мегиранд. Пеш аз ваксиназанӣ ҳамаро дар бораи сирояти коронавирус, таъсири ваксина ба ҷисми инсон ва зуҳуроти имконпазири дуюмдараҷаи он огоҳ кардаанд.
Қаблан зикр гардида буд, ки ваксиназанӣ дар Ҳавзаи марказии ҳарбии Русия то 25 феврал ба анҷом расида, ояндаи наздик ваксиназании наздики 100 ҳазор нафар дар ҳавза ба нақша гирифта шудааст.
Ҳавзаи марказии ҳарбии Русия дар 3 ҳавзаи федералӣ ва 29 субъекти Русия ҷойгир аст. Ба ҳайати ҳавза ба тарзи сохторӣ як қатор иншоот дар хориҷа дохиланд: пойгоҳи низомии 201-ум дар Тоҷикистон, пойгоҳи ҳарбии муттаҳида дар Қирғизистон, инчунин воҳидҳо дар қаламрави Қазоқистон. Ситоди ҳавза дар шаҳри Екатеринбург воқеъ аст.
Пойгоҳи низомии 201-уми Русия дар Тоҷикистон бузургтарин иншооти ҳарбии ин кишвар дар берун аз ҳудуди он аст. Дар ду шаҳр - Душанбе ва Бохтар ҷойгир мебошад. Ба ҳайати он воҳидҳои гуногуни низомӣ шомиланд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста