Бобоҷон Азизов, овозхони шинохта ва маъруфи се даҳаи поёни даврони Шӯравӣ дар Тоҷикистон, имрӯз дар синни 70-солагӣ бар асари бморие, ки дошт дар зодгоҳаш шаҳри Кӯлоб даргузашт. Дар ин бора Фурқат Саидзода, роҳбари дастаи давлатии Шашмақом дар саҳфаи фейсбукаш хабар додааст.
Қарор аст ҷанозаи марҳум фардо, соати 10.00 дар зодгоҳаш шаҳри Кӯлоб баргузор ва дар ҳамон ҷо мадфун шавад.
Бобоҷон Азизов аз овозхонҳои маъруфи солҳои 70-90-уми Тоҷикистон буд, ки соли 1950 дар шаҳри Кӯлоб таваллуд шуда буд. Ӯ дар соли 1983 унвони Ҳунарманди шоистаи Тоҷикистон ва дар соли 1996 Ҳунарманди халқии Тоҷикистонро барои саҳми чашмгир дар ҳунари овозхонии Тоҷикистон соҳиб шуд.
Хатмкардаи риштаи забону адаби тоҷики Донишгоҳи давлатии Кӯлоб буд.
Солҳои зиёде дар Хонаи маданияти шаҳри Кӯлоб ва Театри мусиқӣ-мазҳакаи Кӯлоб ба номи С. Вализода овозхон буд. Аз соли 1989 роҳбари бадеии ансамбли «Навои Хатлон» буд.
Дар эҷоди суруду оҳангҳо сабки хоса дошт. Сурудҳои «Дилҳо нишона карда», «Ёди Ватан», «Ҳарфи дигар мазан», «Нолаи Кова», «Хорӣ макун», «Модар», «Ту ширинлаб» аз шоҳкорҳои ҳунари Бобоҷон Азизов дониста мешаванд.
Бобоҷон Азизов маҳорати хуби ҳунарпешагӣ низ дошт ва дар чанде аз намоишҳо - «Карим Девона», «Хусрав ва Ширин» нақш офаридааст.
Гуруҳи расонаҳои "Азия-Плюс" даргузашти ин овозхони шинохтаро барои ҷомеаи фарҳангӣ ва аҳли хонаводаи эшон таслият мегӯяд ва барояш ҷаннати баринро орзу мекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Петербург шаҳрванди Тоҷикистонро ба сафедкунии терроризм айбдор карданд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста