Сомонаҳои фишингӣ метавонанд ба маълумоти шахсии шумо, аз ҷумла бонкӣ, дастрасӣ пайдо карда ба шумо зарари молӣ расонанд.
Инҷо чанд маслиҳат барои шинохтани сомонаҳои фишингӣ:
Маслиҳати аввал
Сатри суроғаҳоро бодиққат омӯзед. Агар пеш аз суроғаи сайт нишони баста ва ҳарфҳои https мавҷуд бошад, пайвасти шумо бо сервери сайт рамзгузорӣ шудааст. Аммо, вақтҳои охир ин гуна пайвастшавӣ дар сомонаҳои фишингӣ низ пайдо шудааст.
Маслиҳати дуввум
Суроғаи худи сомонаро тафтиш намоед. Қаллобон бештар ба суроғаи сомонаҳо ҳарф ё рамзи иловагӣ ҳамроҳ мекунанд. Инчунин домен низ метавонад фарқ кунад. Барои мисол, .org ба ҷои .com Агар шумо суроғаи асли сомонаро дар ёд надоред, дар сомонаи ҷусторӣ онро ёфта муқоиса намоед.
Маслиҳати сеюм
Ба тарҳи сомона диққати махсус диҳед. Азбаски таҳияи вебсайт хеле гарон аст ва кори зиёдро талаб мекунад, қаллобон аксар вақт инро сарфа мекунанд. Хатоҳои имлоӣ, тасвирҳои пастсифат, тарҳҳои аз ҳад зиёд оддӣ ва пайвандҳои ғайрифаъол метавонанд нишонаи сомонаи фишингӣ бошанд.
Маслиҳати чорум
Ҳангоми пардохт барои харид ё хидматҳои онлайнӣ, шуморо бояд ҳатман ба саҳифаи пардохти бехатар гузаронад, яъне ба сафҳаи алоҳида бо URL-и нав. Он ҷо бояд ҳатман усулҳои маъмули пардохт, ба монанди Visa Secure, MasterCard SecureCode ва ғайра мавҷуд бошанд. Инчунин, дар саҳифа бояд логотипи фаъоли ин хизматрасониҳо нишон дода шуда бошад.
Аз ҳама муҳим, онҳо пайванди фаъол дошта бошанд ва вақти нохун задан бояд ба саҳифаҳои расмии худи ин системаҳо гузаронанд.
Боз чӣ гуна шумо метавонед худро муҳофизат кунед?
Аввалан, ҳеҷ гоҳ пайванд ё мактубҳои аз ҷониби шахсони номаълум ё шубҳанок ворид шударо боз накунед. Дар шабакаҳои иҷтимоӣ ва паёмрасонҳо ба пайвандҳои номаълум ворид нашавед, ҳамчунин ҳеҷ гоҳ равзанаҳои худкушодашавандаро боз накунед.
Дуввум, коршиносон тавсия медиҳанд, ки барои хариди онлайн корти алоҳида гиред. Шумо бояд танҳо маблағи заруриро ба он фавран пеш аз харид интиқол диҳед.
Мавод дар доираи Маъракаи рушди маърифати расонаӣ дар Тоҷикистон – “Се нуқта. Бидон, чиро мебинӣ!” таҳия шудааст. Ба саҳифаи “Се нуқта. Бидон, чиро мебинӣ!” дар шабакаҳои иҷтимоии Facebook ва Одноклассники пайваст шавед ва маърифати расонаии худро инкишоф диҳед!
Дигар маводҳои лоиҳаро ин ҷо хонед: Бидон, чиро мебинӣ!
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста