Мақомоти дахлдори ҳифзи ҳуқуқи Тоҷикистон дар мубориза бо терроризм ва ифротгароӣ (экстремизм) таҷрибаи бой андӯхтаанд ва шумораи шаҳрвандони мамлакати мо дар сафи чунин ташкилотҳо кам шуда истодааст.

Директори Маркази тадқиқоти стратегӣ (МТС)-и ҷумҳурӣ Хуршед Зиёӣ зимни нишасти матбуотии имрӯз, 26 июл дар ин робита изҳор намуд, ки дар кишвар боз як вазъияти хатарноки марбут ба хурофот, ҷаҳолат ва бесаводии динӣ ба мушоҳида мерасад.

"Дини ислом ҳамеша тарафдори некӣ, сулҳ, таҳаммулпазирӣ аст, аммо дар ҷомеаи мо нафароне ҳастанд, ки дар пушти ислом пинҳон шуда, дар байни мардум ғояи ботилро дар бораи дин паҳн мекунанд", - иброз дошт Зиёӣ.

Дар ин робита, директори Марказ қиссаи суҳбати худро чанде пеш бо як ҷавон нақл кард.

«Ман пурсидам, ки чаро ӯ риш мегузорад ва ҷавон посух дод, ки марди бе риш наметавонад фарзанд дошта бошад. Вай гуфт, ки инро мулло дар маҳаллаи онҳо шахсан ба ӯ гуфтааст ”,  - гуфт директори Марказ.

Зиёӣ таъкид дошт, ки чунин муллоҳо дар кишвар имрӯз "назар ба террористон ва экстремистҳо мушкилоти бештар эҷод мекунанд".

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.