Намояндагони тазоҳургарон дар назди бинои сафорати Тоҷикистон дар Маскав талаботи худро ба мақомот пешниҳод намуданд: онҳо изҳор доштанд, ки то иҷро шудани талаботашон, ба гирдиҳам омадан идома медиҳанд.
Яке аз намояндагон ҷамъияти аҳолии ВМКБ дар Маскав Ораз Вазирбеков, ки рӯзи 25 ноябр дар Маскав бо сафири Тоҷикистон мулоқот кардааст, дар муроҷиати видеоӣ бобати талабҳояшон изҳори назар кард.
Ба гуфтаи ӯ, ин вохӯрӣ пешакӣ буда, “маънои онро надорад, ки бо ҳамин кор ба охир расид”.
“Аз ҷараёни вазъият дар Помир изҳори норизоӣ кардем. Гулбиддин Зиёбековро дидаву дониста куштанд. Мо вақт додем, ки одамони дар ин кор иштироккарда боздошт ва ба ҳабс гирифта шаванд. Талаби дуюми мо ин аст, ки постгоҳҳои назоратӣ (блокпостҳо) дар Хоруғ аз байн бардошта шаванд. Дар ин ҷо будани онҳо зарурат надорад. Талаби сеюми мо - барқарор намудани алоқа ва дигар ҳеҷ гоҳ қатъ накардани он аст. Акнун ҳар вақте ки алоқа бо вилоят қатъ шавад, мо ҳамин шумор назди сафорат ҷамъ меоем”, - зикр мекунад Вазирбеков.
Ҳамчунин ба қавли нмобурда, пагоҳ низ ба сафир талаби иловагии хаттӣ супурда мешавад.
Вазирбеков мегӯяд, сафир ваъда додааст, ки талабҳои онҳоро ба ҳукумати кишвар мерасонад.
Ӯ ҳамчунин ба мақомоти Русия барои имкон додан ба гирдиҳамоӣ ва рафтори хуб доштан бо онҳо изҳори миннатдорӣ намуд.
“Посухи онҳоро интизор мешавем, лекин як чизро гуфтанием, ки иҷрои ваъдаҳоро як ё ду моҳ мунтазир шуданӣ нестем. Ҳоло ба саволҳои худ посух нагирифтаем, лекин мепурсем. Дигар ин тавр намешавад”, - гуфт Вазирбеков.
Дар ҳамин ҳол, дар шабакаҳои иҷтимоӣ менависанд, ки дар дигар кишварҳо низ, аз ҷумла ИМА ва Аврупо низ баргузории гирдиҳамоиҳо дар назар аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста