Модари Гулбиддин Зиёбеков, ки писараш дар ҷараёни амалиёти махсуси сохторҳои қудратӣ дар ноҳияи Роштқалъаи ВМКБ кушта шуд, мехоҳад, ки ба вохӯрӣ бо президенти Тоҷикистон Эмомалӣ Раҳмон даст ёбад.
Певистамо Абдулмуминова, 1 декабр дар суҳбат бо Радиои Озодӣ гуфтааст, мақомоти ВМКБ аризаи ӯро баррасӣ накарда, аз ин рӯ, тасмим гирифтааст, ки ба президент муроҷиат кунад.
Ёдрас мекунем, ки сокинони шаҳри Хоруғ маҳз аз куштори Гулбиддин Зиёбекови 29-сола изҳори норозигӣ намуда, ин ба баргузории гирдиҳамоии чоррӯза боис гардид. Эътирозгарон талаб доштанд, ки гунаҳкорони марги ӯ ба ҷавобгарӣ кашида шаванд.
Гулбиддин Зиёбеков субҳи 25 ноябр дар деҳаи Тавдеми ноҳияи Роштқалъа кушта шуд. Мақомоти прокуратураи ВМКБ изҳор намуд, ки Зиёбеков ба гумони айбдорӣ дар гаравгонгирӣ ва барангехтани адовати миллӣ мавриди ҷустуҷӯ қарор дошт.
“Ҳангоми амалиёт ӯ муқовимат нишон дода, аз таппончаи Макаров, ки ғайриқонунӣ дар ихтиёраш буд, ба тирпарронӣ оғоз кард”, - зикр шуда буд дар маълумоти прокуратура.
Аммо Певистамо Абдулмуминов мегӯяд, писараш ҳеҷ гоҳ силоҳи ҷангӣ надоштааст.
"Ба номи Худо қасам, ба арвоҳи писари навгузаштаам қасам, ҳеч гоҳ дар дасти писарам силоҳ надидаам. Писари ман на хидмати ҳарбӣ карда буд ва на силоҳ истифода бурда метавонист. Ин таппонча аз куҷо пайдо шуд, намедонам," - гуфтааст зан.
Шоҳидон инчунин гуфтаанд, дар ҷараёни амалиёт Гулбиддин Зиёбеков силоҳ надошт, аммо телевизиони маҳаллии ТВ “Бадахшон” ба сифати далели айбдории Зиёбеков дар гузорише таппончаи гӯё ба ӯ тааллуқдоштаро бо тирҳояш нишон дод.
Певистамо Абдулмуминова мегӯяд, дар зарфи 10 моҳи баъди ба гаравгон гирифтани корманди прокуратура писарашро боре ҳам барои додани баёнот даъват накардаанд.
Гирдиҳамоӣ дар Хоруғ шоми 28 ноябр пас аз ваъдаи мақомот дар бораи тафтиши дақиқи ҳодисаи марги Зиёбеков ва боз ду ҷавони дигар, инчунин иҷрои дигар талабҳои эътирозгарон ба поён расид.
Дар мавриди ин ки ин шабу рӯзҳо дар Хоруғ чӣ гузашту мегузарад, дар сужаи мо бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста