Имрӯз, 31-уми январ дар чорчӯбаи барномаи КОВАКС ва барномаи тақсимоти одилонаи вояҳои ваксинаҳои зидди COVID-19 ба Ҷумҳурии Тоҷикистон 152 ҳазору 100 воя ваксинаи “Pfizer-BioNTech” ворид карда шуд, - хабар медиҳад Вазорати тандурустии Тоҷикистон. 

Дар Тоҷикистон то 20 январи соли 2022 беш аз 4 миллиону 355 ҳазору 582 нафар, яъне 75,6 дар сади шаҳрвандони мамлакат ба моякӯбӣ (ваксинатсия) бар зидди бемории коронавируси нави COVID-19 фаро гирифта шудаанд. Ҳамчунин вояи дуюми ваксинаро то ин давра 3 миллиону 636 ҳазору 802 тан гирифтаанд, ки ин баробар ба 63,1 дар сади тарҳест, ки давлат рӯйи даст гирифтааст.

17 январ низ, дар чаҳорчӯби барномаи “COVAX”,  ба Тоҷикистон 1 млн воя (доза) воксин аз ширкати “Moderna”-и ИМА ворид карда шуд буд.

Дар ҳоли ҳозир дар Тоҷикистон, бар зидди коронавирус ваксинаҳои «Sputnik V», «AstraZeneca», «CoronaVac», «Moderna» ва «Pfizer» мавҷуд аст ва мардум воксин зада мешаванд.

Дар Telegram, Facebook, Instagram, OK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.