Ширин Амонзода, вазири меҳнат, муҳоҷират ва шуғли аҳолии Тоҷикистон дар нишасти матбуотии имрӯзи вазорат гуфт, ки дар соли 2021 рушди нишондиҳандаҳои асоии сатҳи зиндагии аҳолӣ ҳифз шуда маоши миёна 1 ҳазору 524,4 сомониро дар мегирад. Ин маош дар муқоиса бо соли 2020 148,3 сомонӣ ё 10,8 дарсад болотар астю
Дар минтақаҳо аз ҳама нишондиҳандаи баланди маоши миёнаро сокинони Душанбе мегиранд, ки 2 ҳазору 254,5 сомонӣ будааст.
Андозаи ин маош дар ВМКБ 1 ҳазору 438,8 сомонӣ, дар Суғд 1 ҳазору 396,9, навоҳии тобеъ 1 ҳазору 259,5 ва вилояти Хатлон 1 ҳазору 146,3-ро дар бар мегирифтааст.
Амонзода ҳамчунин андозаи маошро аз рӯйи соҳаҳо низ эълон кард. Бар асоси гуфтаҳои вазир маоши аз ҳама баландро кормандони созмонҳои хориҷӣ – 11 ҳазору 333,6 сомонӣ мегирифтаанд
Дар ҷойи дувум кормандони бахши молӣ қарор доштаанд, ки ба ҳисоби миёна 4 ҳазору 159,4 сомонӣ дар моҳ маош мегирифтаанд. Дар бахшҳои дигар андозаи ин маош баробар ба 3 ҳазору 815,1 сомонӣ ва кормандони бахши алоқаву иртиботот ба ҳисоби миёна 3 ҳазору 126 сомонӣ кор мекардаанд.
Кормандони истихроҷи конҳо беш аз 2 ҳазор (2 ҳазору 786,1 с), энержӣ (2 ҳазору 713,2 сомонӣ), сохтмон (2 ҳазору 449,7 сомонӣ) мегирифтаанд.
Дар бахши саноат 1 ҳазору 960,6 сомонӣ, нақлиёт 1 ҳазору 849,3 сомонӣ маош мегирифтаанд.
Маоши пасттарро ходимони фарҳанг (1 ҳазору 389,7 сомонӣ), хидматчиёни давлатӣ (1 287,7), омӯзгорон (1 ҳазору 244,2) ва пизишкон (1 ҳазору 025,3) мегирифтаанд.
Маоши аз ҳама пасттаринро кормандони бахши кишоварзӣ – 633,8 сомонӣ соҳиб будаанд.
Дар паёми ахири худ ба Маҷлиси Олӣ, раисҷумҳури Тоҷикистон аз боло бурдани маош хабар дод, ки сар аз моҳи январ маоши кунунии хидматчиёну кормандони мақомоти қудратӣ аз 20 то 25 дар сад ва аз якуми июли соли 2022 маоши дигар кормандони бахшҳои буҷавӣ ва андозаи стипендияву нафақаҳо ҳам мутаносибан то 20 дар сад зиёд мешавад.
Дар ҳоли ҳозир маоши ҳадди аққал дар Тоҷикистон 400 сомон мебошад, ки аз 1 июли соли 2022 50 дар сад боло бурда мешавад ва ба 600 сомонӣ мерасад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста