Шӯрои шаҳри Вашингтон, ниҳоди қонунгузор дар пойтахти Амрико, рӯзи сешанбе, 1 март як қатъномаи пешниҳодиро, ки дар асоси он Наврӯз ба унвони як руйдоди "фарҳангӣ ва таърихӣ" шинохта мешавад, тасвиб кард. 

Дар қатънома, ки дар асоси раъйдиҳӣ ба тасвиб расид, Шӯрои шаҳри Вашингтон огоҳиҳои гуногуне дар бораи вижагиҳои Наврӯз ё "рӯзи нав", ки фаро расидани фасли баҳорро хабар медиҳад, нашр кардааст. 

Ба иттилои Vaonews дар ин қатънома Наврӯз як "ҷашни бостонӣ" бо таърихи "се ҳазор сола" муаррифӣ мешавад, ки ба гуфтаи СММ тавассути беш аз 300 млн нафар дар Эрон, Афғонистон, Тоҷикистон, Озарбойҷон ва бархе кишварҳои дигар, ва ҳамчунин ҷомеаи муҳоҷир дар Амрико ва дигар нуқтаҳои ҷаҳон ҷашн гирифта мешавад.

Ин расона менависад, ки дар ин қатънома гуфта мешавад, "Наврӯз намоди шурӯъи дубора ва гирдиҳамоӣ ва давре аз таҷрибаҳову мусибатҳои соли гузашта аст ва ҳамроҳ бо табиат умед ба соли навро  ҳамхонӣ мекунад"

Гуфта мешавад Шӯрои шаҳри Вашингтон дар қатъномаи худ Наврӯзро муносибате муаррифӣ мекунад, ки "дар миёни мардум бо ҳар пешинаи фарҳангӣ, нажодӣ ва мазҳабӣ аз ҷумлаи мусалмонон, масеҳиён, яҳудиён, баҳоиён, зартуштиён, мазҳабҳои дигар ва ҳатто ғайри мазҳабиён ҷашн гирифта мешавад".

Ин Шӯро дар идома ёдовар мешавад, ки Наврӯз тавассути СММ низ дар феҳристи мероси фарҳангии ғайримодии башарият ба унвони сунати фарҳангӣ, ки тавассути бисёре аз мардумони ҷаҳон гиромӣ дошта мешавад, шинохта шудааст.

Созмони Милали Муттаҳид бо тасвиби қотеъномае дар моли 2010 ба таври расмӣ "рӯзи ҷаҳонии Наврӯз"-ро ба расмият шинохт.

Дар Telegram, Facebook, Instagram, OK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.