Арабистони Саудӣ имсол барои шаҳрвандони Тоҷикистон зиёда аз 3,5 ҳазор квота барои адои маросими ҳаҷ дар соли 2022 ҷудо кард, хабар доданд ба “Азия-Плюс” аз Кумитаи дин, танзими анъана ва ҷашну маросимҳои назди ҳукумати Тоҷикистон.
Шумори квотаҳои ба кишварҳо ҷудошуда дар саҳифаи расмии масҷиди Ҳарамайн Шарифайн дар Facebook бо истинод ба Вазорати ҳаҷи Арабистони Саудӣ нашр шудааст.
“Мо дар Интернет шумори ковтаҳои барои Тоҷикистон ҷудошударо дидем, лекин то ҳол аз Арабистони Саудӣ мактуби расмӣ нагирифтаем. Теъдоди квотаҳо барои Тоҷикистон 3 ҳазору 562 нафар муқаррар шудааст”, - гуфт сухангӯи Кумита Афшин Муқим.
Ба гуфтаи ӯ, сарфи назар аз то ҳол нарасидани даъвати расмӣ, Кумита ба корҳои омодагӣ ва ба ҳаҷ сафарбар намудани зийирин оғоз мекунад.
Киҳо имсол ба ҳаҷ рафта метавонанд?
“Тавре ки қаблан гуфта будем, имсол рӯйхати нав тартиб дода нашуда, нахуст шаҳрвандоне фиристода мешаванд, ки соли 2019 бар асари маҳдудиятҳои коронавирус ба ҳаҷ рафта натавонистанд. Лекин ин ҷо як мушкил ҳаст: шумори квотаҳои барои имсол ҷудошуда зиёда аз 3,5 ҳазор ададро ташкил медиҳад, лекин теъдоди нафарони интизор дар рӯйхати аз соли 2019 ба зиёда аз 5 ҳазор нафар баробар аст”, - гуфт сухангӯи Кумита.
Зимнан зикр шуд, ки дар он сол ба Тоҷикистон 6 ҳазор квота ҷудо шуда буд.
“Умедворем, ки ин масъала ҳал мешавад, чунки яке аз шартҳои имсола барои зойирин синни на болотар аз 65-сола муқаррар шудааст, яъне аз рӯйхати соли 2019 онҳо хориҷ карда мешаванд”, - иброз дошт вай.
Дар ҳамин ҳол, маълумот дода намешавад, ки дар рӯйхати соли 2019 чанд нафар зойирини ин синнусол ҳастанд.
Инчунин ба зойирини хориҷӣ лозим аст, ки натиҷаи манфии тест ба COVID-19-ро, ки на пештар аз 72 соат то сафар ба шоҳигарӣ гирифта шудааст, пешниҳод намоянд.
Дар Кумита таъкид доштанд, ки арзиши адои маросими ҳаҷ низ ҳол маълум набуда, ба наздикӣ муайян карда мешавад.
Қаблан зикр гардида буд, ки тайи 10 соли ахир арзиши адои маросими ҳаҷ бо доллар тағйир наёфта, аз 3 ҳазору 700 то 3 ҳазору 720 долларро ташкил дода буд. Мувофиқи қурби мубодила бо сомонӣ ин маблағ ҳамасола боло мерафт. Соли 2019 адои маросими ҳаҷ барои шаҳрвандони Тоҷикистон 35 ҳазору 128 сомонӣ нарх дошт.
Соли 2020 дар робита ба пандемияи коронавирус Арабистони Саудӣ ҳаҷ барои зойирини берун аз қаламрави шоҳигариро бекор карда, инчунин шумори онҳоро то 1 ҳазор нафар кам кард. Соли гузашта ин шумор то 60 ҳазор афзуда, лекин барои зойирини кишварҳои хориҷӣ боз адои маросими ҳаҷ манъ шуд.
Қобили зикр аст, ки соли 2016 дар Тоҷикистон бобати ба квотаи сафари ҳаҷ дохил накардани шахсони синнашон поинтар аз 40-сола қарор қабул шуд. Кумитаи дин ба ин васила масъалаи навбатпойии хеле зиёд барои адои маросими ҳаҷро ҳал карданӣ буд.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста