Вазорати тандурустии Тоҷикистон аз афзоиши хатари гирифторӣ ба гепатити вирусии А дар миёни кӯдакон хабар медиҳад. Аммо ниҳоди мазкур мегӯяд, ин беморӣ мавсимӣ буда, боиси нигаронӣ нест.
Тавре Наврӯз Ҷаъфаров, сардори Раёсати амнияти санитарию эпидемиологӣ, ҳолатҳои фавқулодда ва ёрии таъҷилии тиббии Вазорати тандурустӣ ва ҳифзи иҷтимоии аҳолии ҷумҳурӣ ба «Азия-Плюс» хабар дод, ҳоло ҳолатҳои сирояти бемории гепатит А дар байни бачагони аз 3 то 14-солае, ки ба мактабхо ва боғча мераванд ба қайд гирифта мешавад.
Ба гуфтаи ӯ, ин як бемории мавсимӣ аст ва ҷойи нигроние вуҷуд надорад. Вай мегӯяд, «сироят асосан тавассути ғизо ва оби олуда ба вуҷуд меояд ва ба ин далел, хатари сироятёбии кӯдаконе, ки ба боғча ва мактаб мераванд, зиёд аст».
Номбурда ҳамчунин қайд кард, ки дар соли 2022 эпидемияи ин беморӣ дар кишвар дар назар нест. Инчунин, илова кард, ки дар Тоҷикистон кӯдакон зидди гепатити А эм намешаванд, зеро ба он танҳо тибқи нишондодҳои эпидемиявӣ муроҷиат мекунанд.
«Ваксина зиди бемории гепотит А дар тақвими миллии эмгузаронии пешгирикунанда дар Тоҷикистон қайд нашудааст. Азбаски ин сирояти рӯда аст ва агар гигиенаи шахсӣ риоя карда шавад, шахс метавонад бемор нашавад. Дар мо беморон кам буда, аз ин рӯ, ваксина ба тақвим ворид нашудааст”, - гуфт Наврӯз Ҷаъфаров.
Ҷаъфаров ёдовар шуд, ки солҳои гузашта, ки дар бархе аз манотиқи кишвар ба далели дастрасӣ ба оби тоза теъдоди беморон афзоиш ёфта, ҳудуди 20-25 ҳазор нафарро ташкил медод, ду маротиба алайҳи гепатит А беморон эм карда шуданд.
«Ин ваксинаро худи Вазорати тандурустӣ харидорӣ намуд. Ва вақте ки дар тақвим чунин ваксина вуҷуд надорад, пас арзиши он хеле баландтар аст. Ҳоло бошад, хариданро бас кардем, зеро беморон каманд”, - афзуд ӯ.
Ёдовар мешавем, ки қаблан, аз 5 то 15-уми сенятбр, дар шаҳри Душанбе ва навоҳии Рашту Нуробод давраи эмгузаронии ройгон бар зидди бемории гузарандаи сурхча ва гулафшон баргузор гардид.
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Кулли ахбор
Авторизуйтесь, пожалуйста