Соли гузашта шаҳрвандони Тоҷикистон 1,6 млн бор ба Русия сафар кардаанд. Дар ин бора Ассотсиатсияи ширкатҳои сайёҳии Русия бо истинод ба маълумоти Хадамоти марзбонии Русия хабар медиҳад.
Бино ба маълумоти ин ниҳод, теъдоди умумии хориҷиёне, ки бо ҳама гуна мақсад (на танҳо сайёҳӣ, балки кору таҳсил, дар ҳайатҳо ва ғайра) дар соли 2022 ба Русия ворид шудаанд, дар муқоиса бо солҳои пандемияи 2020 (9,7 млн нафар) ва 2021 (12,1 млн нафар) афзудааст.
Аз рӯи натиҷаҳои соли гузашта хориҷиён 13,1 млн маротиба бо мақсадҳои гуногун ба Русия сафар кардаанд, ки нисбат ба соли пеш аз пандемияи 2019 - қариб 20 млн нафар ё худ 2,5 баробар камтар аст.
Ба сегонаи аввал (ТОП-3) тибқи сафарҳои “умумӣ” Қазоқистон (2,5 млн сафар), Украина (2,4 млн), Ӯзбекистон (2,1 млн) шомл шудаанд. Қирғизистон (866,2 ҳаз.), Абхазия (663,1 ҳаз.), Арманистон (491,6 ҳаз.), Озарбойҷон (327,9 ҳаз.), Беларус (289,3 ҳаз.), Туркия (198,6 ҳаз.) низ дар даҳгонаи аввал қарор доранд.
Пешсафони солҳои пешин аз қабили Чин (2,3 млн дар соли 2019), Лаҳистон (680,4 ҳазор дар соли 2019), Кореяи Ҷанубӣ (453,8 ҳазор дар соли 2019) дар соли 2022 аз даҳгонаи беҳтарин берун монданд.
Соли 2022 шаҳрвандони Чин ҳамагӣ 130,5 ҳазор, Лаҳистон (Полша) - 24,7 ҳазор ва Кореяи Ҷанубӣ -15,2 ҳазор маротиба ба Русия сафар кардаанд, ки асосан ронандагону масъулони воситаҳои нақлиёт, инчунин донишомӯзону шахсоне мебошанд, ки бо корҳои шахсӣ омадаанд.
Теъдоди сайёҳони хориҷӣ ба Русия дар соли гузашта 200,1 ҳазор нафарро ташкил додааст, ки нисбат ба соли то пандемияи 2019 қариб 4,9 млн нафар худ 25,5 баробар камтар аст. Вуруди сайёҳон ба Русия аз рӯи натиҷаҳои соли гузашта ҳатто нисбат ба солҳои “ковидӣ”-и 2020 (335,8 ҳазор) ва 2021 (288,3 ҳазор) камтар шудааст.
Дар панҷгонаи аввал аз лиҳози сафарҳои сайёҳӣ Олмон (25, 4 ҳазор), Туркия (22,6 ҳазор сафар), Эрон (14,6 ҳазор), Қазоқистон (13,3 ҳазор) ва Куба (11,3 ҳазор) қарор гирифтаанд.
Миёни кишварҳои 10-гонаи аввал коҳиши вуруди муҳоҷирон дар қиёс бо давраи топандемия нисбат ба ИМА сурат гирифтааст: 5,6 ҳазор сафарҳои сайёҳӣ дар соли 2002 дар муқобили 241 ҳазор дар соли 2019.
Ёдрас мекунем, ки вуруди сайёҳон аз Русия ба Тоҷикистон дар соли гузашта зиёда аз 2 баробар афзуд.
Сайёҳони Русия аз рекорди 5-солаи худ гузашта, нисбат ба солҳои пешин ба ҳисоби миёна 212% бештар ба Тоҷикистон сафарҳо анҷом доданд.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста