Гурӯҳи расонаҳои “Азия-Плюс” имсол панҷумин иқдоми ҷашнии “Модарони Душанбе”-ро баргузор мекунад. Иқдоми навбатӣ на танҳо ба Рӯзи байналмилалии занон ва Рӯзи модар дар Тоҷикистон, балки ба тамоми аҳли хонавода бахшида шудааст.

Рӯзи 7-уми март автобуси идона дар хиёбон Рӯдакии пойтахт ҳаракат карда, ба бонувони зебои кишвар ройгон хидмат мекунад. Онҳоро гулу тӯҳфаҳои гуворо, мусиқӣ ва ҳадяҳои ғайриинтизор аз “Азия-Плюс” интизор аст.

Бори аввал нест, ки мо сокинони Душанберо дар рӯзи иди занон шод мегардонем. Аксари сокинони Душанбе ин автобусро медонанд ва бесаброна интизори онанд, ки боз кай эҳсоси ҷолиби мусбат ва туҳфа гирифта, албатта, суханони хушу гуворо мешунаванд.

Аксияи “Модарони Душанбе” бо дастгирии Ҳукумати шаҳри Душанбе, Кумитаи кор бо занон ва оила,  Ташаббуси “Партави нур”, ки аз ҷониби Иттиҳоди Аврупо маблағгузорӣ ва Созмони Милали Муттаҳид дар Тоҷикистон амалӣ мегардад, гузаронида мешавад.

Соли гузашта чӣ гуна ба модарони тоҷик туҳфаҳо тақдим намудем ва барояшон сурудҳо хондем - дар гузориши видеоии мо тамошо кунед:

Дар TelegramFacebookInstagramOK ва ВК бо мо бимонед.