Аслан Миниқулов, сарҳадбони тоҷик, ки ҳангоми ҳифзи марзи Ватан, 14-уми сентябри соли 2022, дар сарҳади Тоҷикистону Қирғизистон қаҳрамонона ҷон бохт, бо “Ордени Шараф дараҷаи 2” қадрдонӣ карда шуд.
Имрӯз, 6-уми июн, генерал-майёр Тӯрабек Назарзода, муовини фармондеҳи Қӯшунҳои сарҳадии КДАМ, зимни ҷаласаи тантанавӣ, ки дар мактаби №8-и шаҳри Бохтар баргузор шуд, орденро ба модари Аслан Миниқулов тақдим намуд.
Дар ин бора маркази матбуоти раиси шаҳри Бохтар хабар медиҳад.
Ба навиштаи ин ниҳод, Тӯрабек Назарзода ҳангоми тақдими орден аз ҳамаи онҳое, ки барои ҳифзи Ватан ҷон бохтаанд, ёд карда, ба волидони онҳо барои тарбияи чунин фарзандони шуҷоъ миннатдорӣ кардааст.
Қаблан, мактаби №8-и шаҳри Бохтар, ки Аслан Миниқулов онро хатм кардааст, ба номи ӯ гузошта шуд.
Бояд гуфт, ки Аслан Миниқулов 3-юми августи соли 2003 дар шаҳри Бохтар таввалуд шуда, соли 2021 ба сафи Қувваҳои мусалаҳи кишвар даъват гардидааст. Ӯ 14-уми сентябри соли 2022 ҳангоми ҳифзи марзи Ватан аз тири нерӯҳои мусаллаҳи Қирғизистон кушта шуд.
Ёдовар мешавем, ки муноқишаи марзии ахир миёни Тоҷикистон ва Қирғизистон моҳи сентябри соли 2022 рух дод ва дар натиҷаи он аз ҳарду ҷониб беш аз 100 нафар куштаву садҳо нафари дигар захмӣ шуданд.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста