Имрӯз, 8-уми июн, амири давлати Қатар Шайх Тамим бин Ҳамад Оли Сонӣ ба Тоҷикистон меояд ва бо раисиҷумҳури Тоҷикистон Эмомалӣ Раҳмон калонтарин масҷиди Тоҷикистонро ифтитоҳ мекунанд.
Аз Кумитаи дин, танзими анъана ва ҷашну маросими Тоҷикистон ба “Азия-Плюс” гуфтанд, ки пеш аз намози асри имрӯз, 8-уми июн, Эмомалӣ Раҳмон ва Шайх Тамим бин Ҳамад Оли Сонӣ масҷиди навбунёдро расман ифтитоҳ мекунанд.
“Пас аз кушодашавӣ ба эҳтимоли зиёд Эмомалӣ Раҳмон ва Шайх Тамим бин Ҳамад Оли Сонӣ дар масҷиди нав намоз мегузоранд”, - гуфт ҳамсӯҳбати мо.
Сафари амири Қатар дар Тоҷикистон ду рӯз идома мекунад.
Дар робита ба ин сафар, рӯзҳои 8-9-июн ҳаракати нақлиёт дар роҳҳои Душанбе маҳдуд карда мешавад.
Сироҷиддин Шакурӣ, сухангӯи Раёсати ВКД дар Душанбе ба “Азия-Плюс” гуфт, дар робита ба ташрифи амири давлати Қатар рӯзҳои 8-9-уми июн ҳаракати ҳамагуна воситаҳои нақлиёт дар соатҳои муайяншуда, тавассути кӯчаҳои Аҳмади Дониш, Садриддин Айнӣ, хиёбонҳои А. Рӯдакӣ, И.Сомонӣ, Н.Ганҷавӣ, Х.Шерозӣ ва кӯчаи Карамов муваққатан манъ карда мешавад.
“Аз ронандагони воситаҳои нақлиёт эҳтиромона хоҳиш карда мешавад, ки дар ин рӯзҳо воситаҳои наклиёти хешро дар зери биноҳои баландошёна, зери аломатҳои роҳи манъкунанда ва қисман мошингарди роҳ нагузоранд ва аз кӯчаҳои ҳамшафати роҳи Дӯстии халқҳо, Саъдии Шерозӣ, Назаршоев, Нисорӣ Муҳаммад, кӯчаи Сино, Ҷ.Расулов, Алишер Навоӣ ва Н.Қарабоев ҳаракат намоянд”, - гуфт Шакурӣ.
Ёдовар мешавем, ки амири Қатар Шайх Тамим бин Ҳамад Оли Сонӣ дар доираи сафари худ ба кишварҳои Осиёи Миёна, қабл аз ташрифаш ба Тоҷикистон, ба кишварҳои Ӯзбекистон, Қирғизистон ва Қазоқистон сафар дошт.
“Парасту-2025”. Намоишномаҳои “Ахтаре дар Хатлонзамин” ва “Келини ҷойдорӣ” ба бинанда чӣ паём доштанд?
"Толибон" дар Русия дигар созмони террористӣ нест. Додгоҳ ин гурӯҳро аз рӯйхати созмонҳои мамнуъ берун кард
Муҳоҷирон аз ҳисоби супоридани имтиҳон ба буҷаи Русия 2,5 млрд рубл фоида овардаанд
“Аудиокитоб” бо Субҳон Ҷалилов. Дардҳои гиреҳхӯрда. Ҳикояи “Дардҳои гиреҳхӯрда” қисми 1
Омӯзгорону табибон аз ҳуқуқи имтиёзноки дарёфти иҷозаи зист дар Русия маҳрум шуданд
Хонаҳои вайроншуда то 1 ноябр сохта шаванд. Ҷаласаи ғайринавбатии ҳукумат дар робита ба заминҷунбӣ дар Рашт
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 18 апрели соли 2025
Протокол аз маҷлиси ҳукумат: “Агар дурнамои кишти пахта иҷро нашавад, аз вазифа озод мешавед”
Баъди пурзӯр шудани ҷазо барои “дуздии барқ” дар Тоҷикистон ниҳоди нав ташкил мешавад
Муовини аввали ноиби Пизишкиён ба Тоҷикистон омад. Ӯ бо киҳо вохӯрд ва кадом масъалаҳо баррасӣ гардид?
Кулли ахбор
Авторизуйтесь, пожалуйста