Эмомалӣ Раҳмон, раисҷумҳури Тоҷикистон дар суханронии худ ба муносибати Рӯзи дониш бори дигар ба мушкилиҳои соҳаи маориф таваҷҷуҳ карда, аз ҷумла ба паст будани шаъну шараф ва мақоми омӯзгорон дар ҷомеаи имрӯза диққат дод. 

“Эҳтиром ба омӯзгор – эҳтиром ба ояндаи миллат аст”, - зикр кард президент ва изҳор намуд, ки омӯзгорон бояд дастгирӣ шаванд ва обрӯву нуфузи онҳо дар ҷомеа баланд бардошта шавад.

Ӯ ба сохторҳои марбута дастур дод, ки дар муҳлати шаш моҳ лоиҳаи Қонуни ҶТ «Дар бораи мақоми омӯзгор»-ро таҳия ва барои баррасӣ ба ҳукумат пешниҳод намоянд.

Президент аз аҳли ҷомеа даъват кард, ки омӯзгорон ва дигар кормандони муассисаҳои таълимӣ боз ҳам бештар дастгирӣ шуда, манзалату обрӯи онҳо дар ҷомеа баланд бардошта шавад.

Аз сокинон пурсидем, ки имрӯз муаллим дар ҷомеа чӣ мақом дорад ва чӣ тавр онро метавон баланд бардошт?

Дар Telegram, Facebook ва Instagram бо мо бимонед.