Ҳавопаймои Ан-74, ки дар фурудгоҳи шаҳри Кобул боздошт шудааст, воқеан ҳам ба ширкати Rolkan Investments Ltd тааллуқ дорад. Бинобар нодуруст нишон додани навъи ҳавопаймо, мақомоти раҳбарии ширкати мазкур танҳо чанде қабл ошкор сохтааст, ки ҳавопаймо воқеан ҳам моли ширкати онҳо буда, дар Кобул боздошт шудааст. Дар ин бора хабаргузории Интерфакс иттилоъ медиҳад.
Намояндаи ширкати ҳавопаймоӣ Валерий Пфефер дар робита ба ин масъала гуфтааст, «ин ҳавопаймои мо аст. Ҳангоме тамғаи ҳавопайморо Ан-72 гуфтанд, як нофаҳмӣ ба вуҷуд омад, зеро мо чунин навъи ҳавопаймоҳо надорем. Ҳавопаймои навъи Ан-74 воқеан ҳам ба ширкати мо тааллуқ дошта, чун ҳавопаймоҳои боздоштшуда дар Тоҷикистон ба ширкати «Аэроспейс» ба иҷора дода шуда буд».
Қобили зикр аст, ки субҳи 16-уми ноябр дар расонаҳои хабарӣ иттилоъ пахш шуд, ки дар фурудгоҳи шаҳри Кобул ҳавопаймои русиягии Ан-74 боздошт шудааст.
Гуфта мешавад, ҳавопаймои мазкур бо фармони вазири нақлиёти Афғонистон боздошт шудааст. Вазир гуфтааст, гӯё ин ҳавопаймо ба убури қаламрави Афғонистон ҳуқуқ надоштааст.
Ёдрас мекунем, ки додгоҳи шаҳри Қӯрғонтеппа шаҳрванди Русия, халабони ҳавопаймо Владимир Садовничийро дар даст доштан ба ҷиноёти қочоқ, убури ғайриқонунии марзи давлатии Тоҷикистон ва риоя накардани тартиботи парвозҳои байнулмилалӣ муттаҳам дониста, ба 8,5 соли зиндон маҳкум кард. Маҳз пас аз содир шудани ҳукм муносиботи Тоҷикистону Русия ба сардӣ гароид.
Халабони дигар, шаҳрванди Эстония Алесей Руденко низ ба ҳамин мӯҳлат аз озодӣ маҳрум карда шуд.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста