Сафорати Ҷумҳурии Исломии Эрон дар Тоҷикистон бо интишори як баёнияи матбуотӣ куштори генерал-полковник Қосим Сулаймонӣ ва дигар ҳамразмонашро аз ҷониби ИМА, ки 3-юми январ тавассути ҳавопаймои бесарнишин анҷом дода шуд, башиддат маҳкум кардааст.
Дар ин баяёния гуфта мешавад, нақши Қосим Сулаймонӣ дар масири мубориза ва нобудии ДИИШ ва дигар гурӯҳҳои террористӣ ва такфирӣ дар Ироқу Сурия, ки бо даъвати расмии давлатҳои ин кишварҳо сурат гирифт, муҳиму барҷаста буд.
“Иртикоби ин ҷинояту терроризми давлатӣ бузургтарин хатои стратегии омилони он дар минтақаи ғарби Осиё буда, ҳамагонро бар ин бовари қатъӣ расонда ва ё хоҳад расонд, ки танҳо роҳи барқарории сулҳу оромиш дар минтақа на такя ба қувваҳои мусаллаҳи кишварҳои бегона, балки таҳкими дӯстӣ ва ҳамкории ҳамаҷонибаи кишварҳои минтақа дар чорчӯби шабакасозии амниятӣ, мубтанӣ бар манфиатҳои муштараки ин кишварҳо мебошад”, - омадааст дар баёнияи сафорати ҶИЭ.
“Маҳкумияти ин ҷиноят тавассути давлатмардони ироқӣ ва шахсиятҳои барҷастаи мазҳабӣ ва миллии ин кишвар, баъдан видои пайкари он шаҳид дар шаҳрҳои Ироқ ва тасвиби қонуни хуруҷи сарбозони амрикоӣ дар парламенти ин кишвар дар вокуниш ба террори ноҷавонмардона, гувоҳи мусаллам бар дурӯғ будани тамомии иддаоҳои қаблии режими Амрико алайҳи нақшу ҷойгоҳи Ҷумҳурии Исломии Эрон дар Ироқ буда, посухи маҳкаме ба талошҳои тафриқаафканонаи бадхоҳони ин ду миллати бузургу ҳамсоя мебошад”, - навиштаанд дипломатҳои эронӣ.
Зимнан изҳороти президенти ИМА Доналд Трамп дар мавриди ҳамла ба марказҳои таърихӣ ва фарҳангии Эрон “хасмона, таҳдидомез ва нобаҳинҷор” арзёбӣ шудааст, ки тибқи қоидаву қонунҳои байнулмилалӣ гувоҳи боризи “ҷинояти ҷангӣ” аст. Ба навиштаи сафорати ҶИЭ дар Тоҷикистон, чунин ҳамлаи эҳтимолӣ “падидомада аз аҷзу нотавонии ин ҷинояткорон дар баробари иродаи халалнопазири давлату миллати Ҷумҳурии Исломии Эрон, ки мубтанӣ бар фарҳангу тамаддуни ғании исломӣ ва эронӣ аст, мебошад”.
Дар ин баёния гуфта мешавад, ки Ҷумҳурии Исломии Эрон зери бори ҳеҷ таҳдид ё тарсу ҳаросе нахоҳад рафт ва ҳаққи посухгӯӣ ба ҳар гуна таҳдид ё иқдом алайҳи амнияту тамомияти арзияшро барои худ маҳфуз медонад. “Таърихи ҳазоронсолаи эронзамин ва шаҳомату шуҷоати сардорони бузургу номии он нишон додааст, ки миллати диловари Эрон ба ҳар мутаҷовизе башиддат посух дода ва мероси фарҳангӣ ва тамаддунии ғании худро насл ба насл ҳифз кардааст”, - изҳор доштааст сафорати ҶИЭ дар Тоҷикистон.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Кулли ахбор
Авторизуйтесь, пожалуйста