Ҳайати музокиракунандаи Ҷумҳурии исломии Афғонистон субҳи имрӯз барои оғози даври дувуми музокироти сулҳ бо гуруҳи "Толибон" ба Давҳаи пойтахти Қатар рафтанд. Қарор аст, музокироти сулҳи Афғонистон фардо шуруъ шавад.
Ин ҳайат пеш аз сафар ба Давҳа дирӯз бо ҳайати Кумитаи раҳбарии Шӯрои олии мусолиҳаи миллии Афғонистон дидор доштаанд. Абдуллоҳ Абдуллоҳ раиси Шӯрои олии мусолиҳаи миллии Афғонистон гуфтааст, ки онҳо ба ҳайтаи музокиракунанда итминон додаанд, ки аз пуштибонии қавии давлат ва ҷомеаи Афғонистон бархӯрдоранд.
Ҷомеаи маданӣ, фаъолони сиёсӣ ва расонаии Афғонистон пеш аз сафари ин ҳайат талаб карда буданд, ки бояд оташбас яке аз пешшартҳо барои идомаи музокирот бошад. Талаби оташбас дар ҳолест, ки ҳафтаи гузашта раиси Амнияти миллии Афғонистон Аҳмад Зиё Сироҷ гуфта буд, ки гуруҳи "Толибон" дар як соли ахир дар ин кишвар 18 ҳазор дусад ҳамали террористӣ анҷом додаанд.
Дар ҳамин ҳол бино ба иттилои шабаи "Тулуънеюс" Зулмай Халилзод фиристодаи вижаи Амрико барои сулҳи Афғонистон низ ба Давҳа сафар кардааст. Халилзод дар Твитери худ навиштааст, ки "интизор дорад, ки ин даври музокирот натиҷаи қобили малмус дошта бошад".
Халилзод хостори коҳиш ёфтани хушунатҳо дар Афғонистон шуда, навиштааст, ки ҳар ду тарафи музкиракунанда бо мусолиҳаи воқеӣ ва тавофуқ рӯйи як роҳи ҳалли сиёсӣ дар ояндаи наздик бояд дар ростои манфиатҳои мардуми Афғонистон амал кунанд.
Қарор аст дар даври нави музокирот масъалаи таъмини оташбас, чигунагии низоми идоракунии кишвар ва дигар масоили умдаи Афғонистон мавриди баҳс қарор бигирад.
Даври аввали музокироти сулҳи Афғонистон 15 сентябр дар Давҳаи пойтахти Қатар оғоз шуда буд, ки се моҳ идома ёфт ва ба ҷуз баъзе масоили фаннӣ дастоварди дигари қобили мулоҳизае надошт. Акнун баъди ду ҳафта давраи нави ин музокирот оғоз мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста