Сайёраи Заминро дар панҷ соли баъдӣ ба гармии рекордӣ мерасад. Дар ин бора имрӯз, 27-уми май Созмони ҷаҳонии Ҳавошиносӣ (WMO), як муассисаи махсуси СММ бо такя ба омӯзишҳое, ки Хадамоти ҳавошиносии Бритониёи Кабир анҷом додааст, хабар медиҳад.

Бино ба арзёбиҳои Созмони Ҷаҳонии Ҳавошиносӣ инсоният дар панҷ соли баъдии солҳои 2021-2025  шоҳиди гармтарин соли иқлими Сайёра хоҳад шуд, ки дар таърих мушоҳида нашудааст.

Ҳавошиносҳо СҶҲ ба эҳтимоли 90 дарсад ба гармшавии рекордӣ бовар доранд, ки дар яке аз солҳои байни соли 2021-2025 воқеъ хоҳад шуд.

Ба гуфтаи онҳо  ҳарорати миёнаи солонаи гармӣ дар ҷаҳон аз дараҷаи пеш аз саноатӣ 1,5 дараҷа гармтар хоҳад шуд.

Дабири кулли СҶҲ Петтери Таалас гуфтааст ин танҳо омор аст, вале ӯ аз паймадҳои гармӣ низ ҳушдор додааст.

"Баланд шудани ҳарорат маънои обшавии шадиди яхҳо, болоравии сатҳи баҳр, гармои зиёд, дигар ҳодисаҳои шадиди обу ҳаво ва таъсиррасон ба амнияти озуқаворӣ, саломатӣ, муҳити зист ва рушди устуворро хоҳад дошт”,-гуфтааст ӯ.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар TelegramFacebookInstagramViberЯндекс.ДзенOK ва Google Новости бо мо бимонед.