Ҳаққи раъйи Эронро дар Маҷмааи умумии Созмони милали муттаҳид бекор карданд. Гуфта мешавад, далели ин тасмим қарздории Эрон аз СММ будааст.  

Дар ҳоли ҳозир панҷ кишвари дигари узви ин созмон қарздор будаанд, дар ин бораи Дабири кулли СММ Антониу Гутерриш изҳори назар кардааст, хабар медиҳад ABC.

Ҳоло барои барқарор кардани ин ҳаққи худ Эрон бояд16,2 млн доллар пардохт кунад. 

Бино ба гуфтаи Гутерриш, аз СММ ҳамчунин Ҷазираҳои Қамар (қарз $871 ҳазор), Сан-Томе и Принсипи ($829 ҳазор), Сомали ($1,4 млн) ва Ҷумҳурии Африқои Марказӣ - $29,3 қарздор будаанд. Агар ин кишварҳо то моҳи сентябр қарзро пардохт накунанд, аз ҳаққи раъй маҳрум мешаванд

 Аз ҳаққи раъй маҳрум кардани кишварҳо яке аз муқаррароти дохилии СММ аст. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.