Рӯзномаи "Dawn"-и чопӣ Покистон бо такя ба манобеаш дар ҳукумати ин кишвар гузориш додааст, ки вазоратҳои умури хориҷӣ ва умури дохилаи Покистон дар ин робита тарҳеро рӯйи даст гирифтаанд.
Ин мавзуъ, бори аввал дар моҳи феврали имсол пас аз як сафари Аҳмадвалӣ Масъуд бародари Аҳмадшоҳ Масъуд ба Покистон, расонаӣ шуд.
Аҳмадвалӣ Масъуд он замон гуфта буд, ки мавзуъи номгузории хиёбоне дар Исломобод дар дидори ӯ бо нахуствазири Покистон матраҳ шуд.
Ҳоло рӯзномаи "Dawn" навиштааст, ки он замон Имрон Хон гуфта буд, ки ин дархостро баррасӣ мекунанд.
Тибқи гузориши ин нашрия, вазорати хориҷаи ин кишвар бо ирсоли як мактуб ба вазорати дохила хостааст, ки назари ниҳодҳои шаҳрдориро пеш аз тақдими ниҳоии тарҳ ба нахуствазир, бигирад.
Навид Илҳо, яке аз масъулони шаҳрдории Исломобод ба ин нашрия гуфтааст, ки мактуби вазорати дохила ба ниҳодҳои пойтахт ирсол шудааст. "Хиёбонҳо дар Исломобод танҳо ба номи раисони ҷумҳурии кишварҳои хориҷӣ номгузорӣ мешаванд. Мо дар ҳоли ҳозир мавзуи номгузории хиёбонеро ба номи Аҳмадшоҳ Масъуд баррасӣ мекунем ва дар мавриди муқаррароти мавҷуд дар ин робита ба ҳукумат иттилоъ хоҳем дод. Ҳар дастуре, ки ҳукумат бидиҳад, ҳамонро мекунем".
Номгузории хиёбоне ба номи Масъуд дар Покистон дар ҳолест, ки Масъуд равобити сарде бо ин кишвар дошт ва Покистонро бо ҳимоят аз гуруҳи "Толибон" муттаҳам мекард.
Дар шаҳри Пориси Фаронса ҳам шаҳрдорӣ хиёбонеро аз хиёбонҳои марказии шаҳр ба номи Аҳмадшоҳ Масъуд номгузорӣ карданд, ки дар маросими расмии он писари Аҳмадшоҳ Масъуд Аҳмади Масъуд, Ҳомид Карзай раисҷумҳури пешини ин кишвар ва Абдуллоҳ Абдуллоҳ раиси Шӯрои олии мусолиҳаи Афғонистон ширкат карданд.
Дар Афғонистон ба поси хадамоти арзишманди Масъуд ба ӯ лақаби Қаҳрамони миллии Афғонистон дода шуда, рӯзи маргаш ҳамчун рӯзи таътили расмӣ аст ва ба номи Ҳафтаи шаҳид гиромӣ дошта мешавад. Ҳамчунин яке аз хиёбонҳои марказии Кобул номи Масъудро дорад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста