Шабакаи Тулуънеюси Афғонистон аз як ҳамлаи ба хонаи Устод Ато Муҳаммади Нур, воли пешини вилояти Балх ва яке аз раҳбарони тоҷикон дар Афғонистон хабар медиҳад. Бино ба иттилои ин шабака, ба хонаи Устод Ато дар шаҳри Мазори Шарифи Афғонистон ҳовон (тири гранатомет) фуруд омадааст, ки дар натиҷа чаҳор нафар захмӣ шудаанд.
Ин ҳодиса баъд аз чошти имрӯз рух додааст, ки бар асари ин ҳамла мошини Муҳамадалӣ Муҳаққиқ писари Муҳаммад Муҳаққиқ яке аз пешвоҳои қавми ҳазора дар Афғонистон, осеб дидааст.
Бархе расонаҳои дигар ин ҳодисаро инфиҷор дар ҳавлии Устод Ато номидаанд.
Аммо шабакаи Тулуънеюс гуфтааст, ки ин тири партобшуда ба мошини зиреҳи Муҳаққиқ бархӯрдааст.
Сайид Муҳаммад Зоҳир Масрур, вакили мардуми Балх дар Маҷлиси намояндагони Афғонистон ба ин шабака гуфтааст, ки ин тир замоне ба хонаи Устод Ато фуруд омад, ки бо раҳбарии ӯ дар хонааш маҷлисе дар ҷараён буд.
Дар ин маҷлис Устод Ато бо бархе аз сиёсатмадорони дигар дар бораи вазъи амниятии вилояти Балх баҳсу барномарезӣ доштаанд.
То ҳол маълум нест, ки ин кори кадом гуруҳе будааст. Гуруҳи "Толибон" ҳам то кунун дар бораи ин рӯйдод чизе нагуфтаанд.
Ин ҳодиса дар ҳоле рух медиҳад, ки Ато Муҳаммади Нур, баъди суқути ноҳияҳо ба дасти "Толибон, " дар Балх хезишҳои мардумӣ ва басиҷи миллиро шакл дода ва алайҳи Толибон мубориза мекунад. Чанд рӯз пеш ӯ аз поксозии вулусволии стратегии Калдори ин вилоят хабар дода буд, ки бо Тоҷикистон ҳам ҳаммарз аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста