Толибон истифода аз арз ё пулҳои хориҷиро дар бозорҳои Афғонистон манъ карданд. Тибиқ иттилои шабакаи Tolonews мақомҳои Толибон аз тамоми тоҷирон ва дӯкондорон дар ин кишвар хостаанд, ки дар тиҷоратҳои рӯзонаашон танҳо аз пули афғонӣ истифода кунанд.
Толибон ба ин иқдом дар ҳоле даст задаанд, ки то ин вақт асъори хориҷӣ дар ин кишвар бидуни мамониат дар гардиш буд. Ҳатто дар нуқтаҳои марзӣ бо кишварҳои ҳамсояи Афғонистон пули ин кишварҳои ҳамсоя нисбат ба афғонӣ бештар дар гардиш буд.
Аз ҷумла дар манотиқи ҳаммарз бо Покистону Эрон пули миллии ин кишвар бе мушкил дар бозору дӯконҳо ба кор мерафт.
Ҳатто дар Бадахшони Афғонистон ва дигар минтақаҳҳои ҳаммарзи Афғонистон бо Тоҷикистон сомонӣ низ дар бозорҳо пазируфта мешуд.
Бархе аз корбарони шабакаҳои иҷтимоӣ дар вокуниш ба ин иқдом гуфтаанд, ки ин амалкард иқтисодӣ бе ин ҳам дар ҳоли фурӯпошии Афғонистонро варшикастатар мекунад.
Аммо "Толибон" дар баёнияе, ки барои расонаҳо фиристодаанд, гуфта мешавад "шароити иқтисодӣ ва манфиатҳои миллӣ тақозо мекунад, ки ҳамаи афғонҳо дар додуситадҳои рӯзонаи худ аз пули миллӣ истифода кунанд".
Толибон дар садади озодсозии миллиардҳо доллар аз захираҳои Бонки марказии Афғонистон аст. Дар ҳоли ҳозир ин кишвар бо буҳрони пули нақд, хушксолии густурда ва мавҷи нави муҳоҷират рӯбару аст.
Афғонистон миллиардҳо доллар дороӣ дар хориҷ, аз ҷумла Бонки марказии Амрико ва кишварҳои аврупоӣ дорад, аммо аз замони сарнагунии ҳукумати пешин ба дасти Толибон, дороиҳои онҳо блок шудааст.
Аз чор се ҳиссаи хароҷоти Афғонистонро Амрико ва дигар ниҳодҳои байналмилалӣ таъмин мекарданд ва бо хуруҷи онҳо аз Афғонистон, ҳамаи ин кумакҳо қатъ шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста