Мулло Ҳасан Охунд, нахуствазири Толибон дар нишасте зери номи "Конфронси иқтисодии Афғонистон" аз тамоми кишварҳои дунё, аз ҷумла кишварҳои исломӣ даъват кардааст, ки бо ба расмият шинохтани Толибон, соҳибистиқлол будани худро нишон диҳанд.
Ин нишаст, рӯзи чоршанбеи 19-уми январ дар Кобул баргузор шуд.
Нахуствазири Толибон гуфтааст, ки Аморати исломӣ тамоми меъёрҳои ба расмият шинохтанро такмил кардааст ва ҷаҳон бояд бе ҳеҷ интизории дигаре ҷуръат кунаду онҳоро ба расмият бишносад.
Ҳасанд Охунд аз кишварҳои исломӣ хостааст, ки дер бар расмият шинохтани давлати Толибон пештоз шаванд.
Инъомуллоҳ Самангонӣ, муовин сухангӯйи гурӯҳи "Толибон" дар твиттараш дар бораи Конфронси иқтисоди ин гурӯҳ навиштааст, ки "дар конфронси иқтисоди имрӯз намояндагон бист кишвар ҷаҳон ба гуна физикӣ ва намояндагони чиҳил кишвар ба гуна онлайн иштирок варзидаанд".
Ӯ ҳамчунин навиштааст, ки дар ин конфронс масоили иқтисодии Афғонистон, ба хусус чолишҳои сектори хусусӣ ва масоили бонкӣ ба баҳс гирифта шудааанд, то роҳҳои муносиби ҳал барои рафъ мушкилоти гуногун пайдо шавад.
Дар ин конфрон гурӯҳи "Толибон" аз ҷомеаи ҷаҳонӣ хостанд то ба тааҳҳудоти худ дар баробари кишваршон амал кунанд ва ҳамчунин ваъдаи худро барои иҷрои лоиҳаҳои муҳимме монанди сохти хатти лӯлаи гази Туркманистон - Афғонистон - Покистон - Ҳинд эълом карданд.
Ҳарчанд аз ба қудрат расидани Толибон то кунун наздик ба шаш моҳ мегузарад, аммо ҳеч кишваре то кунун ҳукумати Толибонро эътироф накардааст. Кишварҳои гуногуни ҷаҳон, пешшартҳои ба расмият шинохтани ҳукумати Толибонро аз қабили ташкили ҳукумати фарогир, эҳтиром ба ҳуқуқи башар, ҳуқуқи зан, озодии баён ва арзишҳои дигари инсониву ҷаҳонӣ гузоштаанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста