Дар пайи эъломи амалиёти вижа аз сӯйи Русия дар минтақаи Донбас дар шарқи Укроин, Владимир Зеленский, раисиҷумҳури Укроин хитоб ба шаҳрвандони кишвараш гуфт, ки вазъияти низомӣ дар саросари Укроин ҷорӣ мешавад.
Ӯ дар наворе, ки дар сафҳаи фейсбукияш нашр кард, гуфт, ки дар пайи эъломи Путин, Русия ба зерсохторҳои низомӣ ва нерӯҳои марзии Укроин ҳамла кардааст.
Ба гуфтаи раисҷумҳури Укроин дар бисёре аз шаҳрҳои ин кишвар садои таркиш шунида шудааст.
Зеленский афзуд: "Мо дар тамоми минтақаҳои кишварамон вазъияти низомӣ ҷорӣ мекунем. Чанде пеш бо раисҷумҳур Байден суҳбат кардам. Иёлоти Муттаҳида дар ҳоли ҳозир ба омода кардани кумакҳои байналмилалӣ оғоз кардааст. Ҳаддалимкон дар хона бимонед, мо кор мекунем артиш кор мекунад, кулли бахши амниятии Укроин кор мекунад".
Чанде пеш Вазорати дифои Русия ба хабаргузории РИА Новости гуфта буд, ки инфрасохторҳои низомӣ, иншооти дифоъи ҳавоӣ, фурудгоҳҳои низомӣ ва ҳавонавардии артиши Укроин аз силоҳҳои дақиқи баланд корношоям шудаанд.
Ҳамлаи Русия ба Укроин аз ҷониби бисёр кишварҳо ба вокунишҳои сахте дучор шуд. Аз ҷумла Борис Ҷонсон, сарвазири Бритониёи Кабир пас аз сӯҳбат бо Зеленский гуфт, ки Бритониё ва муттаҳидонаш ба иқдомҳои Русия "қотеъона посух хоҳад дод".
Ҳамчунин Ҷо Байден гуфт, ки Амрико, муттаҳидон ва шарикон имрӯз алайҳи Русия таҳримҳои сахте ҷорӣ мекунанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста