Тибқи эълони сарпарасти Вазорати таҳсилоти олии Афғонистон бо оғози соли таҳсили ҷадид, танҳо донишҷуёни писар ба донишгоҳҳо мераванд. Дар ҳамин ҳол, шуморе аз донишҷуёни духтар дар номае аз донишҷуёни писар хостаанд, то донишгоҳҳоро таҳрим кунанд. Дар ин бора рӯзномаи “8-и субҳ” хабар медиҳад.
Дар номаи саркушодаи донишҷӯёни маҳрумшуда аз таҳсил омадааст, ки “миллионҳо духтар дар саросари Афғонистон бо чашмони ашкбор ба сӯи истодагии шумо хоҳанд нигарист ва шуҷоату ҳамроҳии шуморо таҳсин хоҳанд кард. Мо болои шумо садо мекунем, ки донишгоҳҳоро таҳрим кунед”.
Духтарони донишҷӯ ҳамчунон гуфтаанд, ки маҳрум кардани духтарон аз таҳсил бар хилофи ормонҳои муштараки занон ва мардон барои худкифоии Афғонистон аст ва бояд дар муқобили он истод.
Дар нома ҳамчунон гуфта шудааст, ки онҳо ваъдаи донишҷуёни писар дар ҷараёни эътирозҳо ва шиори “ё ҳама ё ҳеҷ кас”- ро ба ёд доранд ва мунтазиранд, то ҷаҳон истодани донишҷуёни писарро дар канори адолат ва озодӣ бубинад.
Донишҷуёни духтар ба ҳамсинфони писарашон гуфтаанд, “ба Толибон* дарс бидиҳед, ки вақте як миллат тасмим бигирад метавонад ба соддагӣ сохторҳои як гурӯҳи террористиро бо фурӯпошӣ рӯбарӯ кунад”.
Бояд гуфт, ки тибқи эълони сарпарасти Вазорат таҳсилоти олии Афғонистон, рӯзи душанбе, 6-уми март, нахустин рӯзи оғози соли таҳсили ҷадид аст.
Дар мактуби нашршуда аз сӯи ин вазорат, санаи бозгашти духтарон ба донишгоҳҳо мушаххас нашуда аст.
Толибон ҳудуди чаҳор моҳ пеш дари донишгоҳҳоро ба рӯй духтарон бастанд. Иқдоме, ки эътирозҳои густурдаи донишҷӯён ва ҳам созмонҳои байналмилалии дифоъ аз ҳуқуқи инсонро дар пай дошт.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста