Президенти Ӯзбекистон Шавкат Мирзиёев аз шаҳрвандони Туркия даъват кард, ки дар интихоботи президентии қарибулвуқӯ ба раисҷумҳурии кунунии Туркия Раҷаб Тайиб Эрдуғон овоз диҳанд.
“Аз номи ҳамаи мардумони бародар аз мардуми турк даъват мекунам, ки аз номзадии муҳтарам Раҷаб Эрдуғон дар интихоботи пешорӯ ҳимоят кунанд”, - гуфт Шавкат Мирзиёев.
Ӯ барои иштирок дар саммити ғайринавбатии Созмони давлатҳои туркӣ, ки 16-уми март баргузор гардид, ба Туркия сафар кард.
Сарфи назар аз он ки саммит дар Анкара ба мавзуи офатҳои табиӣ ва кӯмакҳои башардӯстона бахшида шуда буд, бархе аз таҳлилгарон мегӯянд, ин чорабинӣ асосан барои ҳимоят аз Эрдуғон ташкил шудааст. Онҳо бовар доранд, ки поёнравии қурби пули туркӣ дар солҳои охир ва оқибати заминларзаи харобиовари моҳи феврали соли ҷорӣ ба нуфузи Эрдуғон зарба задааст.
Дар Туркия интихоботи навбатии президентӣ 14 май баргузор мешавад ва дар он намояндаи эътилофи мухолифини ин кишвар Камол Киличдароғлу рақиби асосии Эрдуғон муаррифӣ мегардад.
Бояд гуфт, ки ин даъвати Шавкат Мирзиёев ҳар дар арафаи баргузории чорабинии муҳими сиёсӣ - раъйпурсӣ барои Конститутсияи нав садо медиҳад.
Дар сурати қабули Конститутсияи нав, муҳлати қаблии президентии Шавкат Мирзиёев бекор гардида, ӯ ҳуқуқ пайдо мекунад, ки боз барои ду давраи 7-сола президент интихоб гардад.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста