Дар шаҳри Шаосинги Чин рӯзи 17 октябр Чемпионати ҷаҳон ва Осиё оид ба марафони қайиқронӣ дар байдарка ва каноэ (масофаҳои кӯтоҳ ва миёна) миёни ҷавонон ва калонсолон шурӯъ гардид, ки то 20 октябр идома меёбад.
Тибқи иттилои маркази матбуоти Кумитаи миллии олимпии ҷумҳурӣ, дар ин мусобиқа аъзои дастаи мунтахаби Тоҷикистон оид ба қайиқронӣ Шаҳриёр Даминов ва Нурмуҳаммади Тоҳир миёни калонсолон иштирок доранд.
Гуфта мешавад, Шаҳриёр Даминов дар каноэи якнафарӣ (С1) ба масофаи 3600 метр қувва озмуда, бо натиҷаи 18:23,70 сазовори медали нуқраи Чемпионати Осиё гардид. Дар ин масофа 19 варзишгар аз 12 давлати ҷаҳон иштирок карданд. Шаҳриёр бо ин нишондод дар сатҳи ҷаҳон ҷои 15-умро ишғол кард.
“Медали тиллои Чемпионати Осиё насиби варзишгари Чин Зиҳанг Ванг бо натиҷаи 17:12,47, медали биринҷӣ насиби Иссеӣ Такенака аз Ҷопон бо натиҷаи 18:45,78 гардид”, - қайд мешавад дар хабар.
Зикр мегардад, ки дар сатҳи ҷаҳон варзишгарони Испания Диего Ромеро (16:17,54) ва Мануэл Кампос (16:18,86) ду ҷои аввалро ба даст оварданд. Мақоми сеюм насиби варзишгари Чех Яқуб Березина (16:24.15) шуд.
Варзишгари дигари Тоҷикистон Нурмуҳаммади Тоҳир дар байдаркаи якнафарӣ (К1) ба масофаи 3600 метр дар даври интихобӣ охирин шуда ба марра расид ва ба финал роҳ пайдо накард. Дар ин қувваозмоӣ 33 нафар иштирок доштанд.
Фардо, 19 октябр варзишгарони тоҷик дар масофаи миёна (26 км) нерӯ месанҷанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
В Гамбурге исламисты провели митинг, где потребовали создания халифата в Германии
Генсек НАТО приехал к Зеленскому с необъявленным визитом
В Грузию – без пересадок. Между Душанбе и Тбилиси запустили прямые авиарейсы
Правительство Таджикистана рассмотрело закон о показателе для расчетов и концепцию оценки качества образования в стране
МИД Таджикистана вручил ноту протеста послу России в Таджикистане
ЕБРР и Таджикистан договорились разработать Кодекс финансирования женщин-предпринимателей
Россия построит АЭС в Джизакской области Узбекистана
В Таджикистане детей, нарушивших закон, больше не будут судить
Совет директоров ИБР одобрил выделение 150 млн долларов для достройки Рогуна
«Вместе»: Выставка картин сразу трёх художников проходит в Душанбе
Все новости
Авторизуйтесь, пожалуйста