Дар 9 моҳи соли равон 2 миллиону 513 ҳазор шаҳрвандони Тоҷикистон ба хориҷа рафта ва беш аз 1 милиону 27 ҳазор сайёҳону меҳмонон ба кишвари мо ворид шудаанд. Дар ин бора Агентии омори Тоҷикистон хабар медиҳад.
Ба иттилои манбаъ, теъдоди шаҳрвандоне, ки аз кишвар ба хориҷи мамлакат рафтанд, нисбат ба ҳамин давраи соли гузашта 485,2 ҳазор нафар ё қариб 24 дарсад зиёд мебошад.
“Ҳамзамон, дар ин давра шумораи шаҳрвандони хориҷие, ки ба Тоҷикистон ташриф овардаанд, бо назардошти ҳама намуди мақсадҳои сафар аз ҷумла хизматӣ, истироҳатӣ ва ғайра 1 милиону 27,6 ҳазор нафарро ташкил медиҳад, ки нисбат ба ҳамин давраи соли гузашта 156,9 ҳазор нафар ё 18 дарсад афзудааст”, - хабар додааст Агентии омор.
Манбаъ таъкид кардааст, ки аз ин шумора 802,3 ҳазор нафарашон ба ҳайси сайёҳ ба Тоҷикистон ташриф овардаанд, ки нисбат ба ҳамин давраи соли гузашта 17 дарсад зиёд мебошад.
Теъдоди бештари шаҳрвандони хориҷие, ки ба Тоҷикистон ворид шудаанд, шаҳрвандони кишварҳои узви Иттиҳоди Давлаптҳои Мустақил мебошанд.
Дар ҷои аввал Ӯзбекистон бо теъдоди 664,8 ҳазор нафар, ҷои дуюм Русия бо теъдоди 248,1 ҳазор нафар қарор доранд ва Қазоқистон бо касби 24,9 ҳазор нафар ҷои сеюмро ишғол менамояд.
Бояд гуфт, ки дар 9 моҳи соли 2022 беш аз 870,7 ҳазор шаҳрвандони хориҷӣ ба Тоҷикистон омада буданд, ки аз ин теъдод 685,3 нафарашон чун сайёҳ ба қайд гирифта шуданд.
Ёдовар мешавем, ки дар ин давраи соли 2022 низ шаҳрвандони Ӯзбекистон, Русия ва Қазоқистон дар сархати аввали меҳмонону сайёҳони Тоҷикистон қарор доштанд.
«Вырастешь и будешь дворником или уборщицей». Как усадить ребенка за уроки?
В результате аварии в Аште погибли три человека
Казахстанский монетный двор представил Нацбанку Таджикистана новые технологические возможности
Афиша от «Азия-Плюс»: One Run, «Бахчисарайский фонтан» и «Салом, Тобистон»
Срок содержания под стражей таджикистанцев, подозреваемых в теракте в «Крокусе», продлен
Почему стоит размещать рекламу на страницах «Азия-Плюс» в социальных сетях?
Как не убить соседа, что мешает спать? Что такое шумовая агрессия и как с ней бороться
В Канибадаме прошёл «Business Forum G5»
В Таджикистан приедет глава МИД Китая
Как таджикистанцу оставаться на связи с семьей даже в другой стране
Все новости
Авторизуйтесь, пожалуйста