Суди ҳарбии гарнизони Душанбе, ду ёрдамчии калони сардори комиссариати ҳарбии ноҳияи Синои шаҳри Душанберо бо итиҳоми фурӯши билети ҳарбӣ бо маблағи 29 ҳазор сомони ҷарима намудааст.
Ҳотам Раҷабзода, раиси суди ҳарбии гарнизони Душанбе ба “Азия Плюс” гуфт, ки ин ду нафар Умед Гадоев 36-сола ва Хуршед Бедилов 35-сола яке сокини шаҳри Кӯлоб ва дигаре сокини шаҳри Душанбе мебошанд.
Онҳо замони дар вазифаи собиқ ёрдамчии калони зершуъбаи даъват ва тайёрии ҷавонон ба хизмати ҳарбии комиссариати ҳарбии ноҳияи Синои шаҳри Душанбе фаъолият намуданашон, бо мақсади тасарруфи молу мулки ғайр бо роҳи фиреб даст ба ҷиноят задаанд.
Ба гуфтаи Ҳотам Раҷабзода, Умед ва Хуршед санаи 4 апрели соли 2020 бо роҳи фиреб ва суиистифодаи боварӣ аз шаҳрванд Далер Мирзоев барои ба номи ҷиянаш - Меҳроҷ Кароматов омода кардаву додани билети ҳарбии номуносиб ба хизмати ҳарбӣ, маблағи 4200 сомонӣ талаб кардааст.
Манбаъ мегӯяд, Хуршед ин маблағро гирифта бо Умед, тақсим карда, ба манфиати шахсиашон сарф намуданд. Онҳо бо истифодаи бланкаи қалбакии шаҳодатнома бар ивази билети ҳарбии силсилаварақаи ҶТ №0446529, ки бо истифодаи техникаи компютерӣ тайёр намудаанд, маълумотҳои шахсиятии даъватшаванда Кароматов М.Р.-ро дар ин ҳуҷҷати қалбакӣ ворид намуданд.
Онҳо ин ҳуҷҷатро бо роҳи сохтакорӣ таҳриф карда, онро бо санаи пешакӣ содир карда, дар он муҳр ва сиккаи аслии Комиссариати ҳарбии ноҳияи Синоро пинҳонӣ аз роҳбариат гузошта, дар сатри собиқ комиссари ҳарбӣ худашон имзо намуданд. Ин ҳуҷҷати баръало қалбакӣ ва бардуруғро барои истифодабарӣ ба Мирзоев Д.М. супориданд, ки бо ин ҳаракати қасдонаи худашон ба шаҳрванд Мирзоев Д.М. зарари моддӣ ба миқдори калон расониданд.
Ҳотам Раҷабзода гуфт, суд нисбати онҳо бо моддаи 247 (қаллобӣ) қисми 3 банди “а” ва моддаи 340. (сохтакорӣ, тайёр кардан ё ба соҳибияти каси дигар додани ҳуҷҷат), - КҶТ ҳукум бароварда, бо маблағи 29 ҳазор сомонӣ, бидуни маҳрум кардан аз ҳуқуқи ишғоли мансабҳои муайян ё машғул шудан ба фаъолияти муайян ҷарима намуд.
OpenAI запустил GPT-4o с продвинутым голосовым режимом
США поможет странам Центральной Азии находить новые зарубежные торговые рынки
Таджикские молодые футболисты «зажигают» в медийной лиге России
Главного кадровика Минобороны России задержали по подозрению в уголовном преступлении
В Мумбаи из-за ветра обрушился гигантский билборд. Погибли 8 человек
Путин обсудил с Совбезом отношения со странами постсоветского пространства
Начальника компании, автобус которой упал в Мойку, тоже арестовали на два месяца
Салом алейкум, Таджикистан! Анонсы событий, день в истории, прогноз погоды на 14 мая 2024 года
Первую гостиницу Душанбе важно сохранить
Куандык Бишимбаев приговорен к 24 годам лишения свободы за убийство жены
Все новости
Авторизуйтесь, пожалуйста