Пойгоҳҳои низомии Русия дар Тоҷикистон ва Қирғизистон дар сурати таҳдиди мустақим аз самти Афғонистон ба ҳифзи марзҳои Созмони Аҳдномаи амнияти дастаҷамъӣ (СААД) ҷалб карда мешаванд. Дар ин бора вазири дифои Русия генерали артиш Сергей Шойгу изҳори назар кардааст.
«Пойгоҳи мо дар Тоҷикистон ба қадри кофӣ пуриқтидору тавоно аст ва албатта, агар лозим шавад, дар сурати хатари мустақим он ба ҳифзи сарҳадоти СААД ҷалб карда мешавад. Ҳамин чиз ба пойгоҳи мо дар Қирғизистон низ дахл дорад. Дар он ҷо низ чунин эҳтиёҷ ба миён омада метавонад ", - гуфтааст ӯ дар посух ба савол дар бораи тадбирҳои андешида ҷиҳати рафъи хатарҳои марбут ба вазъ дар Афғонистон. Дар ин хусус Вазорати мудофиаи Русия хабар медиҳад.
Ҳамзамон Сергей Шойгу зикр кардааст, ки кишварҳои узви СААД аз лиҳози миқёс ва иқтидори мудофиавии худ наметавонанд бо Русия баробар бошанд ва дар самти Афғонистон ба кумак ниёз доранд, зеро ин ҷо дар ниҳояти кор доир ба амнияти ҳарбии Русия сухан меравад.
«Умедворем, ки созишномаҳои бо “Толибон” доштаамон амалӣ хоҳанд шуд. Аммо, бо хулоса аз таҷрибаҳои пешин, албатта, ба он комилан бовар кардан душвор аст. Ин корро бояд кард, то ин ҳама ба кишвари мо нарасад. Ва дар ин ҷо зарур аст, ки аъзои СААД-ро ҳамаҷониба дастгириву кумак кунем”,- иброз доштааст вазири дифои Русия.
Дар посух ба савол дар бораи хароҷоти молии Русия дар ин самт, ӯ чунин изҳор доштааст: "Агар дар бораи пул бигӯем, пас он ин гуна маблағе нест, ки бояд ҳангоми тасмими чунин корҳо дар бораи он фикр кунем".
Сергей Шойгу ҳамчунин илова намудааст, ки Маскав ва Душанбе барномаи муштараки дубора муҷаҳҳаз сохтани артиши Тоҷикистонро амалӣ мекунанд, аммо ҳоло зарурати тақвияти зарфияти ҷангии нерӯҳои марзбонии ҷумҳурӣ ба миён омадааст.
"Барнома бузург буда, тақрибан то соли 2040 пешбинӣ шудааст. Аммо ҳоло зарурати асосноке ба миён омадааст, ки натанҳо бо артиш, балки бо вазъи сарҳад ҳам машғул будан лозим аст”, - таъкид доштааст вазири дифои Русия.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Какие проверки проходят водители автобусов в Таджикистане перед, тем как выйти в рейс?
Генпрокуроры Таджикистана и Турции обсудили задержание и экстрадицию таджикских граждан, находящихся в розыске
Синоптики: Завтра Таджикистан накроет пыльная буря
ЕБРР предоставляет банку «Арванд» кредит в размере $10 миллионов
Первый рейс по маршруту Душанбе – Тбилиси запланирован на 22 мая
Таджикские дальнобойщики в ожидании нового порядка перевозок через Узбекистан. Объясняем, почему он пока не работает
В Уголовный кодекс Таджикистана добавили статью о колдунах и гадалках
В Таджикистане завершается весенний сев, но чувствуется дефицит воды
Сколько таджикистанцев въехало в Россию в первом квартале 2024 года?
В Таджикистане запретили «Идгардак», носить чуждую национальную одежду и встречать паломников
Все новости
Авторизуйтесь, пожалуйста